الحمد الله :)

8\Nov\2009

قمت الفجر وانا مزاجي متعكر ومالي خاطر اتريق ولا اخذ الدواء ولا اداوم ولا شيء ولاشيء ,,بس طبعا اتريقت وخذت المضاد وعقب يلست اشويه ع النت وسرت الكليه وانا مبوزه وابويه ايكلمني انا واخويه الصغير وكلنا مبوزين طننق وايسويلنا حركات يبا ايضحكنا بدون فايده وعقب تمينا نسمع الراديو وكانو يرمسون عن الاقتداء والاعجاب ومادري كيف جان ايقصر ويعطيني محاظره عن الامل قالي يوم يوم كان يدرس برا الدكتور قص لهم قصه عن طالبه كانت تدرس معاه الدكتوره وكانت ماتقدر تتنفس تنفس طبيعي عايشه على سلندرات الغاز طول الوقت وراء ظهرها سلندر اوكسجين ومكمله دراستها الجامعيه والماجستير وخلصت معاه الدكتوراه وبعدها بتكمل تبا تترك لها بصمه فالدنيا ماتبا اتموت وهي عاجزه ..طنق جد انا الحمد الله في نعمه بس مرات اغفل اضايق وايكون مزاجي متعكر ع الفاضي وشيء سخيف مثل طعم دواء بعد نص ساعه بالكثير بيروح اسويها قصه وتعكر مزاجي وكنت مبوزه ولو علي مابسير الكليه بغيب طنق ...المهم بعدين غيرنا الموضوع وتميت اسولف وصلت الكليه وحظرت الكلاسات وكان عندي بريك ويربيعاتي سرت وياهم المطعم وعزمتهم وعقب ودوني كلاسهم يلست فيه عشر دقايق طنق ورجعت الييت صليت ويلست ع النت استانس وكل شيء وكل شيءات وعقب ع المغرب اتذكرت ان عندي امتحان ولازم اذاكر

قمت ذاكرت وشفتالاخبار ويلست وي ماماتي طنق اول ماقلت لها ان عندي امتحان وماذاكرت قالت لي عادي كلي فول سوداني واثقه من ذكاء الخارق طننق المهم وعقب سرت الصاله وجان my big sisاتقولي يالله انا بسير الجميعه وسرت وياها تشريتوعبيت الفون رصيد بالمكينه وردينا البيت رقدت وقمت الفجر راجعت وسرت الكليه وبس

دعاء الحمد اللهم انا نحمدك و نستعينك و نستهديك و نستغفرك و نتوب اليك ونثني عليك الخير كله نشكرك ولا نكفرك و نخلع ونترك من يهجرك اللهم اياك نعبد ولك نصلي ونسجد واليك نسعى ونحمد نرجو رحمتك ونخشى عذابك ان عذابك الجد بالكفار ملحق اللهم لك الحمد كله ولك الشكر كله واليك يرجع الامر كله علانيته وسره فاهل انت ان تحمد واهل انت ان تعبد وانت على كل شئ قدير اللهم لك الحمد حتى ترضى ولك الحمد اذا رضيت ولك الحمد بعد الرضى لك الحمد كاللذين قالو خيرا مما نقول ولك الحمد كالذي تقول ولك الحمد على كل حال اللهم لك الحمد انت نور السماوات والارض وانت بكل شئ عليموسبحان ربك رب العزة عما يصفون وسلام على المرسلين والحمد لله رب العالمين