27ـ مارس ـ 2010

يوم السبت

رفـآق آلجـود يـآعطـر ٍ تنشـآ بـآلريـآحينـيـ?
آلآ يـآمنبع ٍ صـآفيـ? عجـزت آوآفـيـ? آجـزآهـم

قمت الصبح صليت ويلست ع mbbوعقب رقدت وعقب قمت ويلست ع النت وعقبر رقدت وعقب قمت وصليت الظهر ويلست ع النت وعقب تميت ادور في ارجاء المنزل وعقب تيت ع النت اتريا تغيب الشمس عشان العب ع السيكل وتميت لين المغرب وانا اصلي اتذكرت ميمي

{بنت حلوه الله يرحمها كان عمرها 3 سنوات تقريبا اخر مره شفتها قبل ماتتوفى بسبوع تقريبا كانت فيبتنا يوم عزاء عمي الله يرحمه وقتها كانت قدامي وكنت العب بشعرها وعطيتها عصير ..بعدها بكم يوم وع المغرب رن فون اميه جان ايطيح الكوب من ايدها وتمت تذكر الله ومادري شو تقول و وبعدها عرفت ان ميمي دعمتها سياره وماتت وباليوم الثالث عرفت التفاصيل عرفت انها كانت تشوف رسوم ريمي ونلو الحديقه العصر وي امها واخوانها وهم طالعين من الحديقه عبرو الشارع وهي ع الرصيف يت سياره مسرعه ودعمتها وتوفت }

يلست ع النت كلمت صديقي الصدوق وعقب طلعت سرت عند ماي big sis كانت فالمطبخ ويلست تسالني وتسالني ووعلى قولتها ماخذت مني لا حق ولا باطل كنت متنحه وسرنا عند اختي السمينه وعقبصليت العشاءو قلت لها طلبت لي عشاء من الهارديز وطلعت العب بالسيكل وانا ارمس صديقي الصدوق وعقب دشيت داخل تعشيت وسولفت وي my big sisورجعت ع النت اسمع اناشيد ودشيت قروب و طلعت منه حذفته ودشيت مدونتي

والحين brb

خـذوآ منيـ? عهـد واللـه ولـو طـآلت بـيـ? سنينـيـ?
تـرى ذكـر آلـسنـة يـروح بطـيـ? ممشـآهـم

dمدخلb

لو يغيبون البشر كل البشر عن :
‘‘ ســ م ــا دنــ ي ــاي ،،

ماحسيت لهم بالخافق طاري

( إلا انت )
( إلا انت )
( إلا انت )

لو تغيب عن النظر ثواني
يضييييق الكون
كل هالكون بي على ....
اتسا!ا!ا!اعه

مساء الخـير يـا حـبٍ تـوغل داخـل أعمـاقي

مساءالخـير يـا حلـمٍ - علـى الواقـع - تمنيتـهـ

مساء الـورد يـا روحـي ؛؛ مساء للوفـاء بـاقي

مساء مـن الـولهـ نـادى و " أنـا " بـ / الشـوق لبيتـهـ

بقولكم قصة التيس والصغيرون ها يوم الاربعاء ابويه كان يايبني من الكليه دق هرن بوري بالسعوديه جان اتي البشكاره وتفتح باب القاراج وانا نزلت قبل ماتفتح الباب قبل ما ادش من الباب بخطوه والبشكاره تفتح الباب سمعت صوت صريخ على بالي رصت الباب على حد من اليهال تنحت وتجمدت في مكاني لحظه جان ادش اشوف منو وراء الباب شفت التيس جان ترد الباب بس ريله تمت متعلقه وراء الحديده وهو يصرخ مباااع مباااعوعيونه دمعت والله وانا متنحه اطالع ابويه وهو فالسياره واطالع التيس ابويه يقولي *** شوبلاج جان اقوله ابووووووووويه تعال شوف التيس ريوله متعلقه جان ينط ابويه من السياره ويا ايشوفه وطلع ريله بس الحين ريوله غير عن باقي الارجل لوول حلوه الارجل المهم متعوره اشوي من تحت ودشيت داخل وانا قلبي يدق يدق ايدق خفت عليه وايد جان يشوفني راعي العزبه و ماي big sis وقالو لي منو يايبنج ايلسي جان ايلس وقلت حق راعي العزبه يسير ايشوف ريل التيس وعصب ع البشاكره قال كيف جيه ليش ماتشوف شو وراء الباب .. والحين الحمد الله التيس بخير.

احلى ارتكل سويته فحياتي بروحي وبدون ما حد يساعدني واحلى مناقشه ناشقتها والسير مدحني وقالي اكسلنت وووو وان شاء الله يحط لي 100 ومايقهرني ,,على طاري الدرجات يوم الخميس انصدمت بدرجه حاطتلي اياها المس بسبب هالقروب الزفت بس بما اني مقرره اني اطنش واعيش حياتي سكت وكتم ويوم رجعت البيت تميت العلب بالسيكل لين هلكت يود دشيت برقد حسيت اني مخنوقه ووحيده ومشتاقه للكل واكثر شيء لاميه وابويه وعبود ,,وعقب رقدت طننق

يوم الجمعه قبل المغرب طلعنا سرنا الشيشه اليديه طلبنا من الماكدونلز اريبيان ماك ورجعنا البيت كلنا بالعافيه علينا فديتنا محلاتنا وحليلنا طننق
هالصوره دليل على اني في يوم من الايام فزت على سلطون كان فوز ساحق تتحدث عنه الامه الاسلاميه طنننق

هالصوره يوم كنت طالعه وي خالي واختي كنا مودينه المستشفى وعقب مرينا على الكوشك مال النخي واشتريتلي متاي وذره عليه ملح ومادري شو لذييذ ماعطيت حد تميت اكل منه ثلاث ايام وفاليوم الثلاث ماي big sis عطت عيالها..بالعافيه عليهم ..عشان ماتقولون بخيله

مساء العـود والعنـبر ؛؛ مساء عطـر أوراقـي

[ مساءمايليـق ألا ... لمنهـو صـدق حبيتـهـ ؟! ]

حبيـبي ، يـا بعـد عمـري ، لـك ، حـروفي مـع أشـواقي ....!

dمخرجb

مرحبا رواد مدونتي المتواضعه

هالبوكس عباره عن بوكس اسئله للي حاب يسئلني سؤال بس بدون مايعرف عن شخصيته يعني مايباني اعرف من من السؤال ويصير بعد يسالني ويعرف عن نفسه
سو اي ونت 100000 سؤال اللي يحبني يسالني اسئله تعرفني على نفسي اكثر وتعرفكم عليه اكثر واكثر

ملاحظه

هالبوكس يديد كنت من يومين حاطه بوكس بس نسيت الباسور وطلبه من الموقع بس ماطرشولي الباسورد فشتركت من جديد يعني هذا اكونت جديد اللي سالني من قبل على الاكاونت الجديم وماجاوبت عليه بليز يسالني مره ثانيه والسموحه ع التاخير

اذا ثلث الطموح عناد وثلثينه صبروالحاح
بأجبر خاطر امالي و أحاول أكثر و أكثر
و اذا بعض الألم باقي ترا بعض الأمل ماراح
وكل ماقالـو ما أقدر بـعنـادي أقول أقدر

21ـ3ـ2010 امس قمت من الرقاد متاخره و سبحت وتجهزت وابويه قالي سيري شغلي السياره يوم سرت اشغلها ما اشتغلت طلعت بطاريتها مفضيه وجرجها وسرت الكليه وكانت اموري طيبه وفالسليم ..في اول بريك كنت وي ربيعتي سويت لها شريحتها لانه عندها برزنتيشن واختها وعدتها اتسويلها بس خلفت الوعد و حفظتها الكلام اللي لازم اتقوله وخلص البريك وتواعدنا نتلاقا فالبريك الثاني سرت فالبريك الثاني مالقيتها_ دقيت جان اتقولي انها فالمسرح تشوف اليوله قلت لها اوكيه مابتين قالت لي مادري بشوف اذا اذا بي بدق لج جان اقول لها اوكيه باي وتضايقت لانها وعدتني اتي وما يت ... وبعدها سرت وحظرت باقي الكلاسات وفي اخر كلاس وزعو درجات السلوك وانصدمت انقهرت اتغصصت طلعت من الكلاس على طول والبنات يلحقوني يسالوني عن الدرجه اول ما قلت لهم صخو و تمو يطالعون بعض ويسالون كيف وليش ومعقوله اني حاطيلج هالدرجه ,,يوم عطوني الدرجه قالت لي السببب اني مطوفه وايد كلاسات وواجبات ..الصدق ان صح طافتني وايد كلاسات لاني كنت غايبه وبعذر طبي بس واجبات لا انا مسلمه كل الواجبات والبرزنتيشنات والنيوز بيبر والدجتل ستوري ووفوق ها كله اكثر من مره خلصت شغل البنات اللي مايكونون فاهمين او عندهم ظروف واخرها وحده ماكان عندها شيء غير الاهمال والاستهتار ماسوت المطلوب منها ويووم التسليم طلبت من المس اتقولي اشركها معاي لاني كنت مخلصه وبسلم بس تباني اكتب اسمها وكتبت اسمها ويبت 95 مثلي مع انه ماسوت شيء وفالسلوك هي درجتها اعلى مني مع انها ماسوووت شيء وانا درجتي فالحضيض وووو ....و بعد انا ولا مره نسيت غرض من اغراضي مثل كتبي اقلامي الاب توب و ولا مره راددتهم او تكلمت فالكلاسات او استهترت في ماده من المواد وغيري عكسي تمام ودرجاتهم اعلى عني ...واول ماطلعت لقيت ابويه و بسته وتميت ساكته لين وصلنا البيت دخلت حجرني واقفلت على نفسي الباب انخشيت تحت فراشي...وبداء شيً على خدي يسيل !! مدري مطر !! مدري بحر !! يمكن دموعي بهالقدر ؟! تبكي على ظلم البشر ,,وابكي أنا موت الصبر و الطموح...
وبعدين تميت اسولف ع المسن وطلعت كل اللي فخاطري وغفلت اشوي وعقب سرت عند اختي الكبيره وشافت الدرجه وقالت عادي وسرت وياها بيت خالي ورجعت البيت وكنت مضايجه وتعبانه وتميت واعيه لين الساعه 3 وشيء وعقب رقدت والصبح كان فيني رقاد وكنت مضايقه ومالي نفس اداوم وغبت .

(:

قصه
(2)

الصدق مفتـاح القلـوب المقافيـل
ياماحـلا طعمـه ولونـه وريحـه
لونه بياض وريحتـه كنهـا الهيـل

كان يا مكان في قديم الزمان ريال يركض يركض بسرعه لانه وراه ناس يلحقونه وهو يبا ينخش عنهم وهو يركض مر على شايب قاله خشني

في ناس يلحقوني وبيذبحوني وجان يقوله الشايب روح انخش في هالمكان اشر له على مكان صغير وفي كومة قش جان يركض الريال ينخش

في هالمكان ووصلو اللي كانو يلحقونه وبعد شافو الشايب وسالوه شفت واحد كذا كذا مواصفاته ويركض قالهم هيه شفته قالو له وين راح قال

لهم في هالمكان واشر لهم ع المكان اللي فيه القش جان يقولوه روح زين شايب مخرف نحن ماعنا سالفه اللي نسالك انته وراحو يكملون ركض

عشان يدورون الريال واول ماراحو الريال طلع يصرخ على الشايب قاله انا طلبت منك اتخشني وتساعدني واخر شيء اول ماسالوك عني


خبرتهم جان ايقوله الشايب اذا الصدق مانجاك ؟! الجذب بينجيك ؟!

الكذب ماحبـه ولا فيـه تحليـل
ياخنز ريحـه والوصايـف قبيحـه
لونـه سـوادٍ مجهـمٍ كنـه الليـل

الدورات

يعتبر الهلال الأحمر الجهة الرسمية المعتمدة في دولة الإمارت العربية المتحدة لتدريب

الشركات, المؤسسات و الأفراد في ما يتعلق بالإسعافات الأولية و سلامة المجتمع.

اي حد حاب انه ياخذ دورة فالاسعافات الاوليه يقدر يروح لاهلال الاحمر والمجال مفتوح للمواطنين والوافدين ومجانا :)

الدورات شامله:

•الأسعافات الأولية

•المسعف الصغير

•مبادئ الإسعافات الأولية و صحة المجتمع

•درء المخاطر عن المعاق

•مدربي الإسعافات الأولية

•الإسعافات الأولية و صحة المجتمع للأمهات...

طبعا مع الكتيبات والنشرات وكل شيء

للاستفسارات
http://www.rcuae.ae/FACS/Pages/trining.aspx
او الاتصال بأي جمعية الهلال الاحمر في كافة انحاء الدوله

قصه واقعيه

ياللي سكنت القبر صوتي يناديك ** موتك جرح قلبي وهديت حيلي

كان يا مكان الزمان كان في واحد يغسل الموتا في يوم من الايام يابوله ريال ميت عشان

يغسله اول مابدا يفصخ ثيابه من واحد من الموجودين بداء يطلع اخوان وابوي واهل الميت

وطلعهم كلهم وتم هو اللي يغسل جان ايقوله اللي يغسل الموتا قاله انته اخوه جان يتم يصيح

وجاوبه قاله لا انا مب اخوه انا اكثر من اخوه انا ربيعه من الابتدائيه وتمينا وي بعض

فالعداديه والثانويه وتزوجنا خوات وهو يتغداء عندي وانا اتعشاء عنه يوم واحد ماكنا نفترق

عن بعض والحين الموت بيفرقنا طول العمر جان يقول اللي يغسل الاموات سبحان

الله ....وعقب ما دفنو الريال سار ربيعه البيت وقال حق مرته انا برقد اشوي وبعدين قوميني

عشان اروح العزاء قالت له انزين رقدت ويوم دشت اتقومه من الرقاد شافته ميت و يوم

ودوه عند نفس اللي غسل ربيعه وقال حق اهله واهل اربيعه هالويه مب غريب عليه قالو له

هذا اللي امس كان واقف وياك وانته تغسل ربيعه جان يقول هيه وعرفه و الغريب ان

فالسعوديه معروف اذا فتحو القبر رقم واحد الصبح مثلا اخر اليوم الفليل يكونو دافنين القبر

رقم خمسين بس يوم ودو الثاني عشان يدفنونه شافو القبر اللي عند قبر الاول فاضي فدفونه

فيه ... عاشو مع بعض وماتو مع بعض ويارب ينحشرون فالفردوز مع بعض قولو امين ..

ما أنساك والله لين قبري يوازيك** وأعلن من الدنيا العريضه رحيلي

وأموت كل ما حل طاريك ** كنـت أفتكـر عمـرك معانـا طويلي

يبكي عليك البيت من عرض أهاليك** لي دخلت البيت دمعي يسيلي

اللهم ارحم موتانا وموتى المسلمين ..

من دروس الحياة ( معلمتنا القاسية ) ..


عليك ألا تظهر مشاعرك وأحاسيسك الصادقة لأي إنسان مهما يكن

القاعده الرئيسيه التي تمكنك من تحويل الاحاسيس السلبيه الى احاسيس ايجابيه

فكر في شخص من الذين يجعلونك تشعر بالضيق لمجرد التفكير بهم،ما الذي تشعر به؟ثم تخيل وجهه وكأن له اذانا طويله مثل الارنب।او اتخيلوهم مهرجين انتو تلونون ويوهم وتخلونهم يحزنون لانهم مضحكه ومصخره طنق ما الذي تشعر به الان؟اذا قمت بتغيير تشكيل تركيبة اي موقف فيمكنك تغير موقف كله او التجربه كلها

اللهم آتنا في الدنيا حسنة وفي الآخرة حسنة وقنا عذاب النار

مدونتي حبيبتي حبوبة الحبوبين تعرفين ان اخر شهر2 فديتني احبني وايد وايد مرضت مادري شو استوى فيني من تاريخ 24-2 لين2-3 هذا المهم عاد في اخر اثنين كان عندي كله امتحانات وكنت اتحرى بس تعب الامتحانات وجيه مع اني ماذاكر المهم ويوم الخميس وانا امتحن الماث واللي هو اخر امتحان تعبت وايد وكنت بخلي الامتحان وبطلع من الكلاس بس المس ماخلتني تمت يالسه عندي وحطت ايدها تشوف حرارتي وتمت تمسح على راسي لين قربت اخلص وخلصت وطلعت حتى كتبت لي على الامتحان ملاحظه اني مريضه عشان اذا احتجت
تعيد لي الامتحان يعني اذا زفت طننق المهم يبت فيه 94 ..عقب طلعت من الكلاس سرت جان الاكدمك سيرفس يتصلون في اميه ويت شلتني رجعت البيت رقدت ويوم الجمعه بعد كنت راقده ويوم السبت اميه ودتني المستشفى الطوارء كان الدكتور هندي ماحبيته حسيته غبي على


طول قال سولها تخطيطي قلب و عقب كتب لي فوار و دواء كحه وكبسولات عشان يوقف السهال المهم وعقب طلعنا واميه سارت اشترت كيكه لانه عيد ميلاد ماي برذر و سارت اشترت لي عصاير وكروسون ((وجبن)) حلوم وجبن كرفت طنننق وحلويات و عين الجمل وهالسوالف وبعدين رجعنا البيت رقدت رقدت رقدت لين يوم الاحد بعد اميه ودتني المستشفى وكانت حالتي حاله المهم سحبو مني دم


وعطوني دواء و يوم الاثلاثاءداومت كانو البنات غايبين عشان المطر المس راوتني ورقة امتحاني و تمو يسالوني عن اخباري وفي اخر كلاس السير ياب ولده عمره خمس سنوات وبعدين ع الساعه 1 ابويه يا خذني من الكليه ورجعت البيت رقدت وقمت ورقدت ويوم يلست
وي خواتي السمينه ومي مي الصغيره و اضن لعبتبليارد ويوم الاربعاء داومت وكان يوم دراسي جيد و مزعج
هاي السمجه ماتت كنت يايبتنها هديه حق اميه :(

(ربى إنى مسنى الضُر و أنت أرحم الراحمين )
اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.