؛)

"

*

اذا ذكرتني ا د ع ي لي ...

و اذا ذكرتك !؟

دعوت لك

فان لم نلتقي , فكانما قد التقينا !

فذالك اروع لقاء ...

।,




,।

مب ضعيفه !
بس خلاص مافيه حيل ,
يا دنيا قولي لهم ॥ترى لي قلب مب حديد ؟

اروض قلبي على فراقهم

،

،

،

{ليتهم درو ان قلبي يباهم ليتهم عرفو ان بدموعي تذوب جروح}

।
।
।

تــــعــــبــــآنـــــه

مادري شو اللي استوى و كيف كل شي تغير وليش كل يوم اخسر شي
و كل يومين اخسر حد ماعرف شوفييه شو استوابي من عقلي لين قلبي
لين جسمي كلي ماعرف شو فيني حتى ما افهمني حاااالتي حاااااله بس
اعرف اني مضغوطه من وايد اشياء و خايفه من وايد اشياء اكثر شي
اخاف منه اني اتعلق في ناس و يختفون

جنه الطيوف اتقول وش حال غاليج
و اقول سار ومابقالي غير غلاته

ليتني اقدر اشيع جثمان ماضيك و ارثيه

فجاه مات الغلاء

بتبقى من احلى الايام و الذكريات اللي ما اتوقع انها بتتكرر

أصبح بذكراك تذريه الذواري

لا تحاسبني على وعد نهيته
ولا تعاتبني على آخر قراري
ارخص بحب على قلبن ونيته
ابتعد برحل وبغير مساري ..

صاحبي قررت انا منك انسحب ولا قلت شو السبب لانه هذا اللي انته بغيته
وانا ما ببين لك ولا بطلع في سماك من بعد
ماصار حبك لي لعب بالخطى
تمشى وانا امشي وراك
॥
حسيت اني رخيصه ... انتهى كل شي وانهيته معاك

بقى ذكراك :(

ليت المرض غلط و سهى وماجاني

افهم بالتعاون مع لمسات من الالم

الجو كان حلو و بو واايد نفرات :p

E N K O A

لو شافو حالتي كيف يالسه بلاهم بتصيحون على حالي وبتلعنون غيابكم

يا عيني عليهم شو تنشديني

مثل ما فارقوج مفارقيني

يا عين غمضي الجفن خليني ساعه ارتاح

في عيوني خوفي ماودي احد يشوفه !!
خوف من جفاء الخلان !!

[no comments]

على درب الطموح امشي !!
وآقول { الله يسهلها }
وانا مدري على وين !!
السنين تسوق {خطواتي}

ناوي ترجع تعتذر عن كل شي !!
بس انا خايفه استقبلك وماتلاقي فيني شي !!

ربي وفقني ونجحت في النظري و امتحان الباركن

=)

يمر اليوم "بعيوني" و يمضي ليله ويسري
وانا مثل الكسيره اللي سواد الليل "بعيونها "

الا يا وقت وين اللي على بالي يجي و يروح

الوكاد اني على الالكترونيات ادمنت

ودي على مَكة و نسمَة هوآهآ آسوق رجلي

بآلطوآف لو دقيقة و آصد عن كل آلهمَومَ و غثآهآ

مشهد عور قلبي شفته بعيني و ماضن بنساه ... كنا نازلين الحرم بنصلي جدام الكعبه يعني تحت كان باقي اشويه و بتقيم الصلاه ونحنا يالسين كانت يالسه حذال حرمه كبيره طول ما هي يالسه رافعه ايديها وايدها ترجف وتدعي وماكانت بس تدعي لنفسها لاوكانت تدعي لغيرها بعد وكل اشوي كانت تنزل ايدها وترفع صبعها وتتشهد وتقول اللهم لقني الشهاده عند الموت ... قامت الصلاه وقمنا واشوفها ماشاء الله عليها قامت ويانا وصلت ...ماشاء الله عليها الله يحفظها ... من شفتها تميت افكر انا بوصل لهالعمر يترى انا بلقى حد ايبني هالمكان بتكون فيني حاسيه وبقدر اعبد الله وادعي ...اذا وصلت لهالعمر كم بكون شايفه فحياتي و شو بيمر عليه و شكثر ناس بفقد ولوين بوصل ...

....مره ونحنا واقفين فالحرم ولاول مره فحياتي اشوف الريايل وهم شالين النعش ... اللهم احسن خواتمنا ....

سرنا السعوديه ( يومين المدينه المندوره و ثلاث ايام مكه ) فالمدينه

كنا نقوم الفير نسير الحرم نصلي ونرد الفندق نتريق و و في اول يوم طلعت انا واميه وتمينا نتمشى



و سرنا نزور قبر الرسول صلى الله عليه وسلم و ثاني يوم العصر سرنا البقيع .. ! على فكره انا هالسنه عرفت ان للحين يدفنون الناس فالبقيع . مستغربه معقلوه المكان يكفي !؟

و نحنا راجعين شفنا اللي يبيعون يتشاردون لانه سيارة الشرطه كانت يايه و بينهم ولد صغير يبيع العاب خاايف و كل ما يشل لعبه اطيح لعبه

عنه يبا ايمع الاعاب عشان يشرد مب قادر جان اوقف جدامه عن يشوفونه اشوي واجدمت سياره الشرطه ,, قلت له خلاص

سارو قالي لا ما راحو لزه باقي العقيد هنا انا اتلفت ماشفت غير ريايل بكنادير قلت له لا الشرطه ركبو السياره وسارو قالي

لا و اشر لي على ريال وقال هذا العقيد اللي لابس ثوب لسه ماراح جان اتي اميه وتناوله خريطه وانا واخويه يلسنا نيمع

الااب وياه وحطينها داخل وشلها وسار

... الحمد الله رب العامين الله لا يحيجنا ...




وعقب كملنا مشي و اشترينا هالكيمرات صوغه حق اليهال


وعقب يومين طلعنا من المدينه سرنا الميقات مقيات ابيار علي صلينا ركعتين و كملنا لين مكه الجو كان رهييب مطررر ماشاء الله يصب صبيب و وقف اشوي و شفنا قوس قوزح ونحنا سايرين و من وصلنا مكه نزلنا الفندق حطينا اغراضنا و نزلنا الحرم اعتمرنا الحمد الله و رجعنا رقدنا و قمنا الفير نزلنا الحرم في مكه كنت كله اهيت لوول و على اخر يوم نزلت فاللولي و يلست العب بالاي باد و طفت طواف الوداع و سرنا جده و من عقبها ردينا البلاد
هاي حرمه تبيع حنا اشترينا من عندها حق يدوه و حق مادري منو



كان في مطوع يالس عند باب الفندق كل ما ارجع من الحرم وانا داشه يناولني هالكتيبات و وياها ورقه مكتوب فيها عن الغشوه

وانا اهيت واتجول وادش واطلع و اسير و ايي مره دشيت سوبر ماركت صفوه ها السوبر ماركت اللي في ابراج صفوه اللي كله فيه حلويات جدييمه مال اوووول اللي يوم ادشونه اترد فيكم الروح لوول جان اشوف هالبنات عند الحلويات واطول وحده فيهم اللي متحكمه تتامر عليهم وتقول خوذي هذي لا هذي احلى لا رجعي هذي هذي مره مو حلوه انا قولتك و تناولهم على كيفها واخر شي خذو لهم شي مب على شورها جان تقولم طيب خذوه بس مره تانيه اسمعو كلامي وقالو لها طيب
و جاان نرد

فضفوضه

كنت اهتم بناس فاللسته و لين قبل ساعه كنت مهتمه و يمكن للحين كنت اهتم بهم يوم

يضايجون و يوم يحزنون و يوم يمرضون و يوم

يتعبون و يوم يتوهقون و يوم يتعكر مزاجهم كنت أبا البسمه ما تفارقهم ماكنت أبا إشوف حد

مهمومه و ما أحاول أساعده ... تقربنا من بعض

يمكن ما تقربنا بس أنـٌَّا فهمت و حسيت بهالشي لأني كنت جد أفتح لهم قَـْلْـ♡̨̐ـٍبِيّ يوم كانو

يشكون و يسولفون و يقولون ... لين يت أيام و

كشفتهم كشفت مشاعرهم

شِّفُّتٌّ ان بيني و بينهم فرق كبييير اني غييير اني يوم يت أنـٌَّا اللي بقول بخاطري أقولكم

شيء .... ماردو جنهم مائعرفوني ... فوق ان الدنيا

تكون ضائقه بي اتضيق أكثر ... شو اللي افهم شو العذر اللي احطه لهم بعد ما قلت لهم و

بصراحه أبا أفضفض أبا آتمون ويايه خاطري

...اقهررر شي عاد ان عقب ما القى عمري بروحي لانه اللي كنت ابا افضفض لهم من اقرب الناس لي وان مالي خاطر اقول لغيرهم لاني

مب من كثر اللي ارتاح لهم ... ايلس مخنوقه اصيييح وليت الصياح ول امم لا والله حليله الصياح مرات يسوي شي لوول مابا اكون ناكره و

مافيه خير ^^ المهم و بما انه سولي طاف و صحت و مرت كم ساعه ول يوم وعقب معاناه

و احباط ...اغلب الاحيان اسكت ما ابين لهم

شي اتجاهل الطاف و انسى ..صح ان هالشي وايد صعب و فالبدايه كل ههه اكتبها اكتبها

بمرااره وكل كلمه و كل مجامله بس عقب اضحك

واسولف من قلب اكثر من قبل ارد بشووق ولهفه جنى من زمان مب مرمسين بعض ...اممم وايد اشياء ماكنت مقتنعه ولا افكر اني اقتنع بها

بس للاسف اقتنعت اقتنعت ان بعض الاقراب عقارب اقتنعت ان مرات اللي ما نتوقعه يكون

قريب وان فيه الخير حزة الحزه نلقاه من اقرب

الناس لنا ... في ناس ما نعرفهم من زمان و اعرفهم بس من فتره قصيره بس سو اللي وايد

ناس ماسوه سوو اللي من لحمنا ودمنا ماسواه

... يزاهم الله خير ^^

brb to ksa

my last year location

ليتنا نقدر نودر احزانا و جروحنا والامنا في

الدول اللي انسافر لها قبل ما نرد البلاد ليتنا

نقدر نرد ونحنى ناسين طعم الغياب و الفراق

اكثر شي يعور انك تصدق خبر وفاة اطيب خلق

هالشهر غمرنا بايام حزينه حزنت بوفاة يدوه و و بوفاة بو سهيل

خبر وفاته صعقتني لدرجة عمري ماكنت اتوقعها لاني مب شايفتنه ولا عايشه وياه

ماشفته غير مره وهو مدد على سرير المستشفى و من يومها وانا ادعيله انه يقوم

بالسلامه و ماخليت حد ماوصيته انه يدعيله كنت حاطه في بالي ان الله بيعافيه و بقوم

بالسلامه ... يوم استخبرت انه توفى على طول مرت جدامي صورة سريره جان ادمع

انقهرت حسيت ان حد خانقني مسحت ادموعي جذبت الخبر بس قريته مره ومرتين حتى

ماعرفت شو اكتب كيف اعزء شو اقول عزيت جان اقفل باب حجرتي ...آآآهـ باليوم

الثاني تميت افكر اتخيل لو ان اهله و حتى انا لو نعرف شو بيستوي باجر كيف كانت

بتكون حياتنا كنا بنكون فرحانين ول حزينين يلست ارمس big sis اقول والله انصعقت


بالمره ماكنت اتوقع ان جي بيستوي جان تقولي هيه سبحان الله انولد فبلاد و تربى فبلاد

و عرس و ياب عيال و اخر شي ودوه يعالجون في بلاد مب بلاده وتوفى هناك ... اللي

ضايقني اكثر ان كنت محمومه و تعبانه اميه يابتلي ماي زمزم جان اذكر ان مره (**ّ*)

قالي ان الماي زمز خلص عن ابوه و مادري اذا حد طرش لهم ول توفى محد طرش لهم

... امر شي اني وانا اتوضاء ابا اصلي اذكر عمري اني ادعي ليدوه وبو سهيل ان الله

يعافيهم وفجهاء التذكير يغص و عيوني تغرغ اذكر انهم خلاص سارو من الدنيا انهم

الحينه محتايين الدعوه بالرحمه و المغفره ...
خوفي ما تخلص هالفتره ماتخلص فترة التعب و الضيقه و الكتمه و الالم ودي انسى ...

كم مره كانو اليهال يلعبون واصواتهم طالعه ويت بقول لا تسون حشره ترى يدوه راقده

كم مره قمت ابا اتناول البيبي اطرش برودكاست دعاء لبو سهيل كم و كم وكم و بعدها

اتذكر انهم سارو