28\10\2009

قمت الصبح وانا متنحه ومكتئبه مابا اداوم ومب مكمله الرتكل ولازم اسير الكليه اسلمه..قمت صليت واتجهزت وقلت حق اميه ان مابا اسير ماخلصت وقلت لها اتكمل لي وتمت اتسويلي اياه من الساعه 7 لين الساعه9 وانا اتريقت طنق وعقب سرت و الكليه وكان عندي بريك يلست فالكوفي شوب وعقب حظرت الكلاسات وكنت ابا اطبع الارتكل بس ماستوى مادري وعقب حظرت الكلاسات وفالبريك كلت ام اند امز وشربت عصير ويوم خلصت كلاساتي سرت المكتبه والمكتبه ابعد مبنى وصلت وطبعت واميه كانت ادق لي اتترياني برا بسرعه رديت اول مبنى فالبلوك C وسلمت السير الارتكل وقالي ان ارتكل ناقص وقالي سيري اطبعيه الحين وسلميني الارتكل كاامل قلت له بطرشلك اياه ع الايميل قالي لا الحين سيري اطبعيه قلت له اميه تترياني جان ايقول اوكيه خلاص طرشيلي اياه ع الايميل وانا بطبعه جان اقوله ثانكس سير وسرت وانا هلكاانه خبرت عليه اميه طننق

ويوم رديت البيت صليت وقلت حق البشكاره اتسويلي جاهي احمر في كاس كبيير وصمون جبن ويوم يابت لي اميه ماخلتني اكل قالت لي تعالي اتغدي وابويه بعد ماخلاني اكل الصمون واشرب الجاهي لانه يحرق الحديد طننق جااان ايلس اتغداء وكلت وااايد الغداء كان عيش وسمج وسلطه وسمن يم يمي كان لذييذ وانا من زماان مب ماكله سمج ..وعقب يوم خلصت سرت الصاله عند اللي يسون رجيم وتميت اعايرهم وسرت فتحت الثلاجه صبيت لي فيمتو وتميت اشرب جدامهم واتمزمز ..وع المغرب قلت حق البشكاره بعد اتصب لي عصير وشربت والفليل كانو مسوين العشاء معكرونه وتعشيت خلصت صحني

وعقب ماخلصت بكم دقيقه قلتلهم ابا شبس فالصمون وي الجبن ولبن وسوولي وكلت طنننق وعقب بطني عورني واستوت فيني كرشه

وسرت قلت حق اميه جان تضحك عليه وقالت لي تعالي بعطيج دواء ايهظم مادري شو ايسوي جان اقول لها خلاص خلاص بطني استوى زين وشررررردت .وجااان ارقد بعد جهدا جهيد وقمت من الرقاد ورديت رقدت.

من24 اكتوبر لين 82 اكتوبر

يت اميه خذتني من الكليه جان اتم هالمطعم عشان تطلب لي غداء لانه انا رشيقه كل يوم واايد اكل مخلصه الاكل اللي فالبيت وجاان اطلب لي بيتزا بالببروني وسرنا البيت صليت ويلست فالصاله اذاكر واسوي الارتكل واكتب واجبات مركرتا وعقب اتصلت اموله ويتميت اسولف وياها ودشيت النت لين الفليل رقدت

انزين وهالصوره من صور يوم الاكل العااالمي طننق يوم ماخليت شيء الا وكلته طنق كنت اسوي شيء سري ع النت كالعااده وهي القصه اللي اوني كنت اقراها وعقب السمينه تمت تقراها وزين مارقدت وهي تقرى وولاا خلصت منها ورقدت وانا وي هالقصه والصبح اميه قرتها ولخصتها وطلعت افكارها الرئيسيه ويوم سرت الكليه يلست اطلع الكلمات الصعبها واترجمها
هاي الصوره يوم كنت وي اموله وكانت حظرتها يوعانه وتبا شيء ماالح وسرنا طلبنا لنا وانا طبعا شفت سمبوسه وماصدقت عيوني خذت لي سمبوسه وهي خذت لها فطاير وانا اكل فتحت الاب توب جان اتي خلود وتمت اتسكر عني الا بتوب واتحط ريولها جدام الاكل قمت من على الطاوله وقلت حق امل خل نقعد بروحنا وقعدنا وبعد قامت يت عندي وتمت اتسوي لي حركات سخيفه لين يتني الصيحه وعيوني دمعت وحلفت ما احظر الكلاس جان اتروح عني وتمت امل والبدويه يراضوني وايقولي احظري ونحن بنكلمها ومادري شو عقب قمت وسرت الوكر شفتها هنا يت عطتني فوني وقالت دامج زعلتي عسب شيء سخيف فانتي سخيفه

هاي الصوره من يوم الكراف العالمي يوم المستر كدني كد والله في هاليوم خلاني امشي مشيء فالكليه ومبانيها والمكتبه ولا بعد ماكفاه اخر شيء يوم سرت اسلمه قالي سيري اطبعي بعد ارتكل وجاان انصصصعك من الخاطر وقلت له باجر بيب لك قالي اذا بتيبين باجر خذي كل شغلج وسلميه باجر واذا خذت شغلي وسلمته باجر بنقص20% وقلت له لا خلاص عيل اليوم بطرش لك ع الايميل قالي لا ماباه مرفق اباه ورقه جان اقول ماي ماما وينتج فور مي اميه تترياني برا جان ايقول اوه سوري خلاص طرشيه ع الايميل وانا بطبعلج اياه جان اقوله ثانكس

صورة الحوسه فالمكتبه ويا طلبات هالمستر اللي الله ايعينا عليه

وذس بكجر يوم مرو عليه سرنا من الكيه قناة القصبا احلى مكاان عندي هنيه فالشارجه اتغدينا وتمشينا وكلنا ايسكريم ورجعنا البيت

27-10-2009
اليوم قمت الصبح وانا فرحانه لانه ناقليني سكشن ثاني وعلى بالي ويايه حد من ربيعاتي .يوم وصلت الكليه اكتشفت اني بس انا اللي ناقليني رافعينني لسكشن اعلى والبنات كلهم ايباركولي يوم سرت السكشن الثاني حسيت بضيجه ماصدقت ايخلص الكلاس .يوم طلعت من الكلاس اتذكرت ربيعاتي قبل السكشن اللي كنت فيه اطلع وياهم القاهم يتريوني ونتمشى مع بعض والحين بروحي سرت الاداره لانهم طالبيني غير بروفايلي وسويت الاجرائات فالستيودنت سيرفس وعقب سرت الكافيه يلست بروحي والله كنت اكسر الخاطر عيوني مدمعه ماروم اسكرها ولا تلفت اشوي والدموع تنزل فتحت المسن ولقيت حد يرفع من معنوياتي بس بلاا جدوه. وعقب خلص البريك وسرت الكلاس وفالبريك الثاني يلست اشويه ع المسن وجااان تنزل الدموع وعقب سرت اصلي وخلص حظرت عشرين دقيقه من الكلاس جان اطلع

21\oct\2009

قمت الفجر وانا زايغه وماكنت راقده عدل المهم سرت الكليه من وقت لانه اموله كانت مب حاله الواجب وتباني افهمها واتحله الصبح وبماانه في اول اكلاس بنسلم الواجب ومافي مجال انحله فالبريكات حلينا الصبح بسرعه بسرعه وحالتنا حاااله المهم وسلمنها :) بعد جهد وجهيد المهم وفي نهاية الكلاس خلود قالت لي تبا اتسير الوكر روم قلت لها اوكيه بنسير وعقب بنسير الرسبشن ويوم خلص الكلاس قلت حق البنات بنسير الوكر روم وخلود اتجدمتنا لين انا والبنات وصلنا جد هيه حاطه اغراضها وطالعه قالت لي وين سايره قلت لها على اساس اني بي وياج الوكر روم قالت لا انا خلاص وديت اغراضي وقبلها اصلا يوم هي روحت عنا اموله قالت لي تعالي انا بي وياج الوكر حطي اغراضج قلت لها لا انا بس كنت بسير عشان خلود ول انا عادي عندي اشل الاب توب ولا اني ادخل فالزحمه وحلفت عليه بس رديتها تعاايزت ويوم خلود ردت وقالت لي لها اني كنت بي وياها قالت لي والله قلت لها هيه قالت عيل والله اتين اتحطين اغراضج انا بوديج وقلت لها لا خلاص مابا وتمت تحلف وقالت انها بتزعل وهي اصلا من 20 -10-2009 مادري شوفيها مبوزه وقالت لي انها زعلانه مني وقلت لها اوكيه انا بعد زعلانه منج فقلت خل اسير وياها عشان ماترد تزعل يوم سرت وياها ونحن راجعين قالت لي انها امس كانت ججد مضايقه وزعلانه مني واني متغيره عليها المهم انا طنشت وماكن لي مزاج اخذ واعطي وياها واخلاص سكت عنها ويوم دخلنا نتريق انا فتحت الا ب توب وكنت اسوي شيء سري للغايه وفي نفس الوقت وكالعاده اموله في كل بريك تقرالي مسجات من الابك بيري واتم اضحححك وفالبريك الثاني انا اموله عقب ماذاكرنا سرنا الشوب واتشرينا وردينا ناكل بسرعه بسرعه عشان مانتاخر عن الكلاس طننق

وعاد في هالبريك خلود على يمين وامول قدامي وكل وحده ماسكه فونها اموله تزقرني تقرالي نكته وخلود تزقرني اتراويني فيديوات طلعتهم الويك اند اللي طااف ..وجيه كنت احس نفسي ضايعه ولين الحين ماعرف اطالع منوه واطنش منوه المهم خلص البريك وسرنا الكلاس وجيه

22-10-2009

قمت متاخره مع اني راقده من خمس ونص العصر لين الساعه 6 الصبح المهم وطلعت وي عبود الساعه 8 من البيت وكلاسي يبداء الساعه 8 وع الساعه 8 وعشر سوينا حادث بسيط واترينا الشرطه لين 8 واربعين دقيقه ..مانشوف الا ابويه ياي ايرمس اللي دعمنا وانا وعبود يالسين فالسياره نتريا الشرطه اول ماشفنا ابويه بهتنا فتحنا فمنا وتنحنا تمينا نطالع بعض طنننق عقب ابويه قالي تعالي انا بوصلج وقال حق عبود ايتم يتريا الشرطه ووصلت الكليه كان الكلاس مخلص وعنا بريك يلست وي البنات كملت الهوم ورك اللي عن فهد مسعود ويلست وي اموله عشان اتكمل حلو واجبها لانها ماتحب تنقل بدون ماتفهم واصلا خطي مرات ماينفهم طنننق وعقب سرنا الكلاس كان عنا امتحان تايبنق الحمد الله نجحنا فيه ماندري كيف وعقب سرنا آآآآآآآآخر الكليه كان عنا اجتماااع ايعور الراااااس ومشينا فالحر وعقب طلعنا من الاجتماع اتريقنا وكملنا الحل وخلص البريك وردينا الكلاس هلكن المس كرفتنا كراااااااااااااااااف وعقب رجعت البيت تراااء..

12ـ10ـ2009

هذا الله ايسلمكم في اليوم الثاني عشر من شهر اكتوبر الجاري قمت من الرقاد ك العاده صليت واتجهزت ويت بطلع من البيت ابويه عطاني فلوس يت بحط الفلوس فالمحفظه مالقيت المحفظه اتذكرت اني يوم طلبت من الباسكن روبنز عقب ماحاسبت وكلت وقمت نسيت احط المحفظه فالشنطه وخليتها على الطاوله وفالمحفظه الهويه وبطاقات المستشفى والاي دي كارد مال الكليه وفلوس وكل شيء الهم تميت ادور ادور ادور فالشنطه وفالحجره وفالبيت وعقب سرت الكليه متاخره سالت اللي فالستيودنت مادري شو قالو لي سيري استيودنت سيرفس سرت مالقيت حد جان ادش الكلاس وحطاني السير فلب ابسنت بكوز ليت المهم عقب كان عنا بريك وقلت حق البنات اني بسير اسال عن محفظتي ويت ويايه ربيعتي اموله وحليلها تعبت ويايه سرنا الاستيودنت سيرفس قالو لينا سيرو الرسبشن سرنا الرسبشن وكانت هناك سيلانيه ماتفهم عنقريزي بالزور فهمت وقالت مايابو لها محفظه

وعقب ردينا الاستويدنت سيرفس وقلنا لهم وقالو روحو وين ماضيعتو المحفظه واسالو

رجت المطعم وشفت اللي ينظفون وسالتهم في فلبيني معوق اشويه شفته وخفت اقرب منه بس غصبت نفسي لانه هو الوحيد اللي كان موجود يوم نسيت المحفظه وسالته جان ايقولي سيري بتلقين المحفظه عند الكاشير وجاان ارتااااااااح واسرت انا واموله عند الكاشير وعطوني المحفظه واتصلت في اميه قلت لها طننق بما انها يوم عرفت سوت لي سالفه لانه الهويه فالمحفظه وانا قلت خلاص اكيد مابحصل المحفظه لازم بدل فاقد ماكنت متفيجه ادور بس اموله شجعتني والله فيها الخير تعبتها ويايه وجااان اقول للبنات بما اني لقيت محفظتي بعزمكم على باسكن روبنز وعزمتهم طننق والفليل لوزي عورتني وحرمت انسى شيء من اغراضي وعقب حظرنا الكلاسات وكل كلاس في مبنى وتعب وكرااااف واخر كلاس كان احلا كلاس ودانا المستر فلب السينما وشفنا فلم وعقب رجعت البيت وتميت العب وكل شيء وكل شيات وعقب انا وسلطون تمينا اندور بطاريات عشان اشغل البجلي مالي ولقينا وشغلناه وتمينا نلعب به وعقب سرت الجمعيه ورجعت ع النت وتعشيت وع النت ورقدت رقده هنيه رقدت الحلوات فالامارات

خلوني مع نفسي
شوقي زاد حنيه
من
اللهفه لعيناهم واراجع ذكريات
امسي وماضي ما حصل ليا بعد
ان
عز لقياهم
من الود قلبي يسقاهم
عساهم يذكروا ودي عساهم
في الروحات
والجيات
ما
حيلتي ما سوي رقيق القلب والنيه
ولا ادري عن نواياهم بصدق
الصداقه لهم
انوي واعلنها علانيه قلبي كيف ينساهم
نحلق بين اجواهم وراهم
حيث
ما
رحلوا وراهم وهم ما فكروا بيا

finley

السينما

سرنا السينما انا وMy big sis وريلها واخويه السينما وكان هناك خالي وونات خالي ولد خالي الثاني والقاعه كانت فاضيه

والفلم كان اكشن بس طول الوقت انا كنت اضحك وانسولف وانترقص واخر عشر دقايق من الفلم اندمجت لوول ول باقي الوقت

انا فوادي وافلم فوادي كنت حظرتي اكل واشرب

وعقب ماخلص الفلم انا واخويه ردينا بروحنا وكان يسررررررررررررررررع وايسوي حركات وكان معلي ع الاغاني طننننق احترقت اعصابي من الخااطر لين وصلنا البيت