آنــآآ مضــآيجهِ وآآيد وآآيد

مدونتي يا مدونتي يا حبي الاول والاخير كم اشتقت الى ,,,,,
فدبتني من مده ماسكه نفسي عشان السنه ثانويه عامه ولازم ما انشغل عن الدراسه عشان جيه الفتره اللي طافت ماكنت احدر المدونه ولا كنت اضيع وقتي وايد على النت بس اليوم احس اني مخنوقه وشوقي للمدونه اشوي وبيذبحني في خاطري كلام واااايد ابا اطلعه ابا ااكتب كل صغيره وكبيره سويتها ومريت بها الفتره اللي طافت يس هذا مستحيل لووول اني وي اممم مر اسوبع من عمري مليء بالماكره واللعب والاكشن والوناسه..وفي

يوم الخميس على ما اعتقد تاريخ 30\10 رجعت من المدرسه وريحت اشويه وبعدها قمت ولقيت خطيبة اخوي عنا هي وامها وخواتها وخالتها وجلست ويا البنات وتمينا انسولف اشويه وعقب سرنا الصالون وكلهم تحنو الا انا تميت افكر اتحناء ول ما اتحناء لين اخر شيء اختي اقنعتني واتحنيت وونا طالعه من الصالون صار لي موقف محرج بسبب القطوه لووول وبعدها رجعنا البيت ورحت جلست وي ماماتي وخالتي وبعدها جلست ع المسن ورقدت وقمت الصبح ساعدت ماماتي ورتبنا للحفله وبعدها ساعدت اختي في ترتيبات المكياج وهالسوالف للصالون وبعدها اتسبحت 3 ساعات لوووول وبعدين صليت وجلست ع المسن وعقب بديت اتجهز للحفله وجلست وي ماماتي وبعدها جت العروسه وجلست وياها وتمينا انشوف فيديوات ع اليوتيوب وانسولف عن الجن هههههههه لين جو الحريم وبعدها بدت مراسم الحفله

والاغاني والرقص والمديح والاكل والحش والتعليقات والمواقف العبيطه والمحرجه ليييييييييين الساعه 4 الفجر بدلت وكل شيء ورقدت وقمت الصبح صليت لاني تعايزت اصلي الفجر قبل ما ارقد وبعد ماصليت تميت اساعد فالبيت حق ملجة اخوي الثاني ويعدها مادري شو سويت المهم بعد االعصر بديت اذاكر لانه يوم الاحد كان عندي امتحان رياضيات وجلست ع المسن ورقدت ويوم الاحد سرت المدرسه وامتحنت وكان الامتحان عادي لا سهل ولا صعب يباله وقت وتركيز ويوم الاثنين من الساعه 8ونص لي الساعه 4 احداث سريه للغايه ومن الساعه 4 وعشر لين 5 تقريبا ع المسن وبعدها كنت اذاكر وعقب طلعت رحت عند حوض السمك اشم هواء وبعدها جلست عالنت او بالاحرى ع المسن ويوم الثلاثاء قمت الصبح وخوي كان بيوصلني قالي اشغل السياره وبعد ماشغلتها قالي يلاه سوقي ارفعي الماعرف شو واضغطي على الماعرف شو ههههه اهم شيء الماعرف شو لووول ورفضت وتم يقنعني لين نزلت وكنت بدش البيت ولا بداوم وعقب زقرني وكلمني وصلني المدرسه واول مارحت قالو لي البنات ان النيرس بتسويلنا فحص وزن وطول ونظر رحنا عندها وسوينا وطلعت كل البنات الا انا لانه شافتني تعبانه وجهي اصفر مع اني ماكان فيني شيء وخلتيني مده عنددها و .......لين ماماتي جت وخذتني من المدرسه ع الساعه 11 تقريبا ورجعت البيت ورقدت على طوووووووول وقمت الساعه 3 ونص والساعه 4 دشيت المسن وكلمت ربيعي وقلت له قصة حياتي وازعجته بها وبعدها رجعت رقدت وقمت ع المغرب ولقيت اخوي جالس وي حسن ولد ولد خالي اذاكر له لانه امه تعبانه وابوه مشغول وعنده املاء فكنت بقدم خدمه وبساعد في تعليمه وليتني ماساعدت لانه من شافني اخوي قالي خليه ينسخ عندج ورااااااح المهم جلست انسخه واحفظه لين جت اختي واستلمته وبعدين امم مادري شو سويت وكالعاده دشيت المسن وعقب رقدت وقمت الصبح وسرت المدرسه ورجعت من المدرسه وريحت اشويه وعقب تميت اذاكر وبعد ماخلصت دشيت المسن وعقب رقدت وقمت الصبح وسرت المدرسه وامتحنت وزفت لانه الامتحان كان وايد صعب ويمكن ماركزت عدل فالمذاكره بس مع ذالك مب زعلانه لاني خلاص سويت اللي علي وذاكرت والباقي على الله اللي الله كاتبلي اياه هو اللي بيستوي وان شاء الله اتكون درجتي حلوه وبعدها كملت يومي الدراسي بمزاج متعكر ورجعت البيت رقدت واااااااااايد لين اذان العشاء وقمت رحت عندي ماماتي وباباتي وشفت فلم تركي وعقب شفت رسوم سالي وبعدها رجعت الحجره وجلس عالنت اكتب مدونتي...
( :( )
حسن داش حجرتي يركض وماسك عصاة جدي الله برحمه وحصه تركض وراه تبا تاخذ من عنده العصاه وترجعا مكانها ......
دار بينهم حوار
حسن:هاي عصاة جدي اللي فالمستشى صح
حصه:هيه بس جدي كان فالمستشفى والحين هو فالجنه
حسن :كيف سار الجنه بسيارة الويو ويو صح
حصه:صمت ونظرات ماتتفسر
( (: )
في بداية الحفله جتني بنت اتراويني طقمها يشبه طقمي تقريبا قالت لي انه هدية خطوبتها وفي اخر الحفله زقروني ايقولولي ان ماماتي وخالتي يبوني رحت عندهم جان ترفع ماماتي شعري وساتلي عن الحلق حطيت ايدي عشان اراويها ايه
مالقيته جان تفت لي ايدها وشفت الحلق والابله اللي وراه معفوصه هااق استغربت قلت لها كيف طاح قالت خالتي لقيته على الارض وحد دايس عليه ومخترب اشويه من وراه.