مدخـل /
يآللي تنشدني ..
عن أحوآلي
وانآ جدآ حزين ..!!
منهآآشتكى ..
أسبآب حزنـي ..
وأليه المشتكـى
17 فبراير 2010
اليوم كالعاده قمت الفجر وسرت الكليه ورجعت من الكليه ,,, تمينا وانا ومريومه نضارب على ام اند امز الاصفر ويت حور ساعدتها وانا زقرت اخي وساعدني عليهم اونه عاد ساعدني المهم واخر شيء هو خذا الام اند امز وطلبنا لنا كلنا من الدكان ..اشوي ول اتي مريومه وفي ايدها فراخ يعني فوشار اونها تعايرنا وجان اي وراها عبود يايب مله ملترووسه ... وتمينا ناكل... ونحن ناكل كنت اطالع الصور اللي في فوني وخطر على بالي انزل شوي منهم فالمدونه واكتب عنهم لانه من زمان مب داشتنج يا مدونتي العزيزه انزين فا خل ابداء..
لابتوبي يوم مرض وديته المحل وكانت اختي مسيفتلي كل اللي اباه في مكان وحده وقلت له يوم بسويله فورمات انتبه لا تمسح اللي مسيف فالدي درايف بس مسحه وانقهررررت المهم وعقب رد لاب توبي نص صاحي واختي يوم رديته البيت سوت له فورمات مره ثانيه والحين فل الفل واكتب منه في احلى مدونه..طنق ^^ حلو تصويري ماشاء الله عليه احبني وايد وايد هالصوره صورتها يوم كنا فالعين
ها بعد حنه ورنه وزنه رضيت اسير وي وحده من بنات كلاسي النمركيز وآنا ذاك حلفت عليه الا اتغداء جان هي تحط لها برياني لحم وانا حطيت لي سلطه ومخلل ومن كلته تم بطني يعورني...فديتني ماشوف شر طبعاا
ها العنوز الصغيرون انظم الينا من اسبوع تقريبا
هني في بلوكنة الفندق اليهال كانو يتفرجون ع الالعاب >>اتحسسكم ان في فندق من فنادق الدزني طنق
يوم كان عنا امتحان مافي اصعب ولا اطول منه كانت السماء تمطر وتمطر وتمطر ^^التقطت هالصوره ع الماشي وانا طالعه من الامتحان
هالاغراض لوازم البر ,,قبل مانسير البر ابويه وداني انا واخويه الصغير الجمعيه واتشرينا 
ها الرسمه رسمتها يوم امتحان الماث وانا مجابله الباندر اذاكر والايدوبي اسولف ..وقتها كنت زعلانه وعصبه لانه وحده شحاده داشه البيت ومروعه يدتي مخلتنها تتعب ..
هالصورتين من يوم سرنا البر وكانو الرياييل مهزين الخيم وبتنا هناك يومين مادري ثلاث استانسنا وايد وايد وكان الجو باااارد من الخاطر الفليل انا والسمينه وعبود ولد خالي وبنت خالتي نتيمع حول الناس ونشرب جاهي كرك وناكل كستنا والفجر يقوم خالي ويسويلنا فندال عجييب ويالكلني و طول اليوم ونحن فالبر كنا نصور ونلعب ع الشير ونزحلق ع البورد من فوق العرقوب العووود اخر يوم الشباب تمو يلعبون كوره اونه عاد مباراة صياد سمج خخخخخ
هني كانت يايتني هفه طننق لالا هيه اتذكرت كانت ايدي حرانه طلعتها اهويها اقصد كنت اسلم على عامة الشعب ونحن طالعين من ال صب واي
فالبر وفي اول الليل كلهم يلسو يلعبون بالرمل يسون اشكال ومادري شو الا انا طبعا عشان ايدي ماتتوصخ :$
مخرج /
يآليت عيني مآتهآب الدمـع ...!!
وأذرف دمعتين .. = (
ويآحـظ منهو لـآبغى يبكـي
على خلـه ..
بكى !!
0 التعليقات:
إرسال تعليق