بسم الله الرحمن الرحيم

. . يســعد ڷــي مِســآڪــمِ / صبــآحـڪمِ إن شـآءللـه . .
\

/

\

/
.๑}ْ مـَدْخـَل ..~

[ رُۈحِيْ ] ~

بَعْدِ آلقِطَـآعَهـ ،، مَـَـآآنِي عَلَى ۈِصْلِڪْْ بِـ مَجْبُۈرْ ..

آسْقِيتِنيْ سَمِّ فَرِْقَـَـآآڪْْ ،، لَـَآ تِتّصَلْ ،، مَـآنِي عَلَى ۈِصْلِڪْْ بِـِ شَفْقَـَـآآنْ ،،

يومين السبت والاحد27و28سبتمبر

أه كم تولهت على مدونتي مادشيتها يومين بسبب لوية العيد وعوار خصري ومزاجي النتعكر

ان شاء الله برجع بكتب يومياتي فالقريب العاجل لوووول يعني مابتفتكون من اللي اكتبه لا تفرحون

امممم هذا مادري شو كنت بكتب ضيعت الكلام اممم هيه صح هذا رمضان خلص بسررعه الله يعودنا

عليه السنه اليايه,, بالصحه و العافيه ووبما انه باجر العييـــد ,, حبيت اقولكم: كل عام و انتو بخير و عساكم من العايدين و السالمين

وبعد العيد بربع ايام بتفتح المدرسه< من الحينه اغصص على نفسي لووول.. صدق بحس اني ثانويه عامه .. كل شي بيكون عقب العيد لووول عاد ادعولي

... والسموحه }~

بوح صور اليومين اللي مرو

.๑}ْ مخرج ..~

\
/
\
/

[ رُۈحِيْ ] ~

لاهِنتْ يَاوارثْ العِزْ والطيب والجود , , , رَعاكْ ربي ويسّر لك امورٍ تَرجِيهَاتَدري الباَرحه شــ \ حِلمِيْ والعَالمْ رقود . . . ؟صُفوفْ المَدرسَه أيامْ أنا وإنتْ فيها . .

صحيح الزمن ما انصفني كثيرولا قصر معاي بأوجاعه بس علمني أكون بكل شي كبيره اشتري اشخاص ما أنوي وداعهم أعطي بصدق وما انتظر عطا الغيرأحب الكل ويكفي إني أحب وهذي قناعه مانفعني منطقي بس بالاول والأخيرهذا قلبي ياناس وهذي اطباعه..

يوم الجمعه
26سبتمبر2008

رقدت الساعه 11 ونص تقريبا وقمت وحده ونص صليت وقريت سورة الكهف وشفت التلفزيون وساعدت اختي فالمطبخ وبعدها جهزت السفره وي امي وبعدين جلست افطر وبعدين شفت التلفزيون ورحت اصلي وي باباتي وماماتي وبعدها رجعت وجلست فالصاله ساعتين تقريبا وبعدين دشيت حجرتي وانسدحت وبعدها دشيت النت وافكر في واجباتي بس مافيني احل شيء لانه مزاجي متعكر ماعرف شو فيني

و آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآهــــــــــــــــــــــــــــــــــــــ ـمن اللي فيني ـــــــــــــــــــــــــــــــــــــــــــــ

همسه
كيف أنســاكـ وصدى صوتكـ يتردد على مسامعي كيف أبتعد عنكـ وطيفكـ يلاحقنــــــي وصورتكـ في عيني لاتفــارقنـــي
آنسى مايفعلون وأغض طرفي عمآ يقولون ولكن إلى متى

الاربعاء
2392008
قمت الساعه 3 ونص اسحرت اتوكس وعصير توت
وبعدها امي جت اتقولي اطلعي اتسحري عدل طلعت وشفت ابوي ومقعد صاحب الدم الثقيل على يمينه واختي على يساره في مكاني وقعدت شربت ماي وانقهرت وقمت رجعت رقدت لين الساعه 5 تقريبا وعقب قمت صليت وتميت اسولف وي رامي واختي وتميت اراكض من الصاله لين الحجره لين الساعه 8 وبعدها رحت المدرسه والبنات استقبلوني بجملة ليش غايبه البارحه ما عدا وحده مادري شفيعا علي جت وفرت ملزمتي اللي كانت ماخذتنها عشان تنقل منها على درجي وراحت بدون ما تقول شيء ..واليوم الدراسي كان عادي وممل وماشي حاله وبعد ماخلص رجعت البيت لعبت وي بنت اختي وعقب سلمت على ماماتي ورقدت وقمت العصر طلعت تمشيت فالحوش وساعدت امي في تجهيز السفره وفطرت وجلست وي امي وابوي ساعه تقريبا وعقب رحت وياهم المسيد وصليت العشاء والتراويح ورجعت شفت مسلسل ابله نوره وضل الياسمين وساعدت اختي في صنع الكنافه وبعدين رحت وي امي وابوي وولد خالي صلاة قيام الليل ورجعت جلست فالصاله وحليت ورقدت

مدخل.
اللـهـم أرحم أمــواتنـا اللـهـم أغـفر لهـم ذنوبهم اللـهـم نقهم من الخطايا كما ينقّى الثوب الأبيض من الدنس اللـهـم اجعـل قبرهم روض من رياض الجنّـه اللــهم إنـا نسألك لهم العفـو و العـافيـعه اللــهم إنـا نسـألك الفردوس الأعلى
اللهـم آميـن ؛ اللهـم آميـن ؛ اللهـم آميـن

الثلاثاء
23_9_2008

امي قومتني حق السحور وقالت لي انا مسوتلي بيض عيون بنفسها فعلى طووووووول قمت وطلعت اتسحرت ورجعت لقيت رسال من عند رامي ان بيدش المسن فخليت المسن مفتوح وعليت على الصوت ورجعت رقدت ولما دش انتبت وقمت صليت وطلعت قلت لامي اني ابا اغيب وعطتني الاوكيه واستانست لووول وبعدها كلمت رامي وطلعت براء صورت اليهال واستهبلت وي اخوي وخذت من عند الجيلي اللعبه وتميت العب به لين مليت وبعدين دشيت القيمز ار ولعبت ويا ربيعي وطبعاااااااااااااا انا اللي فزت في اول قيم وفالقيم الثاني كنت على وشك اني افوز بس عصب علي وماخفت منه بس انقهرت وسكرت اللعبه وبعدين سولفنا ورجعت رقدت ع الساعه 9 وقمت الساعه 5 وع الساعه 6 تقريبا طلت اتمشى فالحوش ووقفت قدام الكاسكو واشوي وشفا قطو ورررركضت دخلت وساعدت امي في تجيز السفر وصدمتني ببدايات مشكله ..الله يستر منها وفطرت وبعدا جلست وي امي
وعقب امي طرشتنا انا واخوي مشوار ورحناه واول ما رجعت البيت ع الساعه 10 وربيع تقريبا بنت اختي استقبلتني بالاحضان وبعدا خالي بالاستفسارات وبعدين دشيت حجرتي وبدلت فراشي ونظفتا ورتبتها وعطرتا وبعد ما خلصت طلعت فالصاله دقايق
ورجعت الحجره وحطيت راسي عشان ارقد جاني ايس كريم بونص مع كم من الاسئله المهم وخذت الايس كريم حطيته فالثلاجه ورجعت حطيت راسي عشان ارقد اذكرت اني مب مصليه العشاء وبالزور قمت صليت ورجعت رقدت

مخرج{يمكن اللي فيني اني منقهر لاني نزلت الكيلو اللي زدته لوووووول لقيت هالشيء بعد تفكير عميق

{مدخل..ّ
مآ تقبلتَ {الفرآقْ} ,’ومآ ليـَديْ ؛ فيهـْ حيـَلهـْ ~

الاثنين

الساعه 4 الفجر رقدت وقمت الساعه 5 ونص وصليت الفجر ورجعت رقدت الساعه 6 وقمت الساعه 7 ونص وتجهزت للمدرسه وراجعت الرياضيات للامتحان وبعدين صارت الساعه 9 و5 دقايق قام ابوي ووداني المدرسه ولما دشيت الكلاس مالقيت البنات فيه تميت قدام النظره اعدل شعري وبعدين طلعت وشفت الاخصائيه فالممر وسالتها عنا البنات وقالت لي انهم فوق في غرفة الرياضه
وانا رايحه فوق شافتني بنت من كلاسي وقالت لي اترييني واتريتها لين راحت الكلاس وحطت شنطتها ووقفت قدام المنظره وتكحلت وتعدلت وبعدين تمت اتسولف وتسالني عن المذاكره وعن المسائل وبعدها رحنا فوق غرفة الرياضه وماشفنا البنات وتمينا اندورهم في المدرسه بكبرها وكان حرررررررررر وبعدين قلت لا خلاص انا برجع الصف تعبت قالت لي لا تمي انتي دوري من هالجه وانا بدور فالجهه الثانيه يمكن ايكونون فالمكتبه او في رواق قلت لها اوكيه ودورنا ومالقيناهم وبعدين نحن راجعين الصف شفت المسئوله عن تمرير ورقة الغياب وقلت للبنيه اخاف ايسجلوني غياب ويتصلون البيت بيحاتون قالت هيه صح فقلت لها خلاص عيل خل انروح الاداره ونسالهم وجان اتقولي ماقدر لاني مخالفه Lتوهقت ورحت بروحي وسالت وطلعو في مختبر الجيلوجيا
رجعنا الصف تمين واقفات قدام المكيف لييييييين قبل ما تخلص الحصه بربع ساعه دشينا المختبر والحمد الله ان الاببه سالتها هي اول شيء قالت لها وين كنتي وقالت لها توني جايه من البيت ومالقيتكم ورحت الاداره وبعدين قالت وانتي تقصدني طبعا قلت لها نفس الشيء جان اتقول روحو وراء ورحنا جلسنا اشوي ودق الجرس ..ورجعا الصف وكان علينا عربي كان علينا امتحان انقلش تحديد مستوى وبعده فسحه ووفالفسحه يتني بنت وقالت لي انا كانت تتحراني مغروره ومتكبره ومزعجه وشيطانه والحين هي منصدمه لاني العكسه وماكانت تتوقع اني جيه وماكملت مديح لي دشت ابلة الرياضيات وامتحنتنا من الفسحه الين اخر الحصه الثالثه والحصه الرابعه كان علينا عربي والحصه كانت ممله وبعدها فالحصه الاخيره كان علينا احياء و الدرس كان حلو وبجيه خلص اليوم الدراسي....ولما رجعت البيت طحت واشى ان الكرسي كان وراي وقمت واجلست على السرير وفصخت الجوتي ورقدت بمريول المدرسه والساعه 3 ونص دشت اختي وسالتني كم سؤال ومارديت عليها وبعدها جت امي وسوت لي مساج على رقبتي وباستني وقال تي ليش ما ييتي اتسلمين وزعلانه من شو واتكرمت واتعطفت وقلت لها مب زعلانه وقمت مادري كيف صليت وع الساعه 5 رجعت على السرير حاولت ارقد عشر دقايق ومارقدت وبعدها قمت وشفت مسلسل ابله نوره على النهايته وشفت مسلسل فضه قلبها ابيض و فطرت وبعدين دشيت الحجره وعدلت لابتوبي وبدلت شنطتي وفتحت اكتاب الكيمياء عشان اذتاكر للامتحان بس ماقدرت وطلعت من الحجره رحت عند ابوي اساله عن الاجازه نرفزني وضحكني اشوي وظهرت يلست فالصاله اشوف اليهال وبعدها دشيت الحجره فتحت المسن كلمت زميلتي دقايق جان اتيني عشان اذاكر جان اتيني اختي وي ولدها وقالت لي امليه ومليته وبعدها شفت مسلسل ابله نوره و ظل الياسمين وبعدين ذاكرت ساعه ورقدت

مدخل..

ودّي أطـفي بـاس ليــلي و أخـلف الدنـيا شــمــوع ودّي أرمـــي صدر همـّي بحضـن غمّي و انتــسب ودّي أمـحي و أتــشقق و أهـــدي اللـوعــات لــوع

الصبحت واصبح الملك لله الساعه 5 وودشيت النت الساعه 6 ونص وفتحت المسن وانا اكلم رامي ع المسن وكنت اتجهز للمدرسه واراجع مسائل الرياضيات لين الساعه 8 و50 دقيقه اخوي ناداني ورحت المدرسه واول ما فتحت باب السياره دق الجرس

واول حصه كيمياء الحصه كانت ممتعه ومرت بسرعه والدرس بعد كان ممتع وسهل نوعا ماء..وخلصت الحصه الاولى وبدت الحصه الثاني واللي هي حصة العربي كان ماشي حالها مرت على خير وفالفسحه جيكت على واجب اربيعتي واكتشفت انها ناسيه اتحل مساله حليتها لها ووديت واجبي للابله ولما رجعت كان داق الجرس والابه التربيه الاسلاميه واصله الصف قبلي لووول توهقت واحمر وجهي ودشيت الحمد الله انها ماقلت لي شيء والحصه كانت رووووووووووعه عن الزواج والطلاق والاستنساخ البشري وهالسوالفالحلوه ..وخلصت الحصه الثالثه وبدت حصة الفيزياء بعد الحصه كانت حلوه ومتعبه وكلها مسائل وحل وتفكير وتشغيل مخ وخلصت الحصه الرابعه وبدت الخامسه حصت الرياضيات كانت
عاديه مب حلوه ولا حلوه مرت طلعنا ورجعنا البيت لقيت ول دخالي واقف قدام الباب يتريا ولد خالي الثاني سلم علي وتم يسالني عن المدرسه و وتم ايسولف لين الشمس حرقتني وعقب تذكر ان في شيء اسمه شمس وقالي ادخلي وبعدي دخلت وسلمت على ماماتي واستهبلت اشوي انا واختي الكبيره وسالتها اشكثر اتحبني وقالت لي كثر النمل لووووووووووول وبعدها

تميت العب وي اليهال وتميت اخوف بنت اختي بهاللعبه وبعدها خليتها تفصخ جوتيي وبعدييييييين كانت امي اعتنت ببشرتي

وبعدها شفت التلفزيون على الساعه 5 شفت مسلسل فضه وعقب ساعدت اختي في عمل البثيثه ورحنا نفطر وبعدها فتحت شنطتي وكتبت واجب الفيزياء وبعد ما خلصت ساعدت اختي وبعدين كملت حل واجب العربي وبعد ما خلصت رحت اتجول في ارجاء المنزل وبعدين كملت حل واجب الكبمياء و ذاكرت لامتحان الرياضيات لين الساعه12 تقريبا خلصت وانا مزاجي فالحضيض ونفسي فخشمي ورقدت وقمت الساعه 3 ودشت المسن 2 ونص وجلست اكتب شو استوى في يومي واكلم رامي ومزاجي زفت وفيني رقاااااااااااااااااد لانه باجر وراي امتحان رياضيات المهم سي يو تمورو ..

~ مدخل ]. *! أحــبكمـ الرحمــن ~ *! و أنـار قلــوبكمـ بالقــرآن ~ *! و أشــتـاق لـكمـ فردوس الجنـان ~ *! و وهـبكمـ الـلـه جـبالا من الغـفران ~ *! و جــنبـكمـ الذل و اللإمتهــان ~ جمــعــه مـبـاركــه
.
.
.
اليوم الله ايسلمكم قمت الساعه 5 الفجر على صوت اختي وهي داشه الحجره عشان ترقد عندي وولما شافتني انتبهت قالت لي بخبرج بسالفه وقمت عشان اسمع السالفه وبعد ماسمعت السالفه لوول عدو كم مره قلت السالفه المهم بعد ما خلصت السالفه دق فون اختي وقالت رقم غريب وطنشت واشوي ودش اخوي عشان يسالها عن شيء اي خص الكمبيوتر وبعد ماسالها وجاوبته قالت له عن الرقم الغريب وقالت له يدق ايشوف رقم من ولما دق ردت عليه وحده سالها عن اسمها ماقالت له وسالته عن اسمه ماجاوبها وقال لها انتي اللي داقه انتي اللي من جان اتقوله انا اللي رقمتني على البحر جان ايرد عليا اهااااااااا انتي اللي رقمتج شحالج ....والخ وبعدين قال لها تيلفوني بيفضي عادي ادفين على رقمي الثاني قالت له عادي ووكمل سوالف وياها من رقمه على اسا ان هو اللي مرقمنها لووول
وعقب انا طلعت من الحجره وجلست ع النت لين الساعه 7 رقدت وقمت الساعه 8 وبعد جلست ع النت لين الساعه 10 ورجعت رقدت لين الساعه 5 قمت رتبت حجرتي وجلست فالصاله وفطرت

وساعدت في تنظيف السفره وجلست ع النت وبعدها جلست اذاكر لين الساعه 11 وبعدين شفت التلفزيون وبعدين جتني بنت اختي الصغيره وقالت لي انها تبا حلاوه وشبس وعصير وعطيتها وطلعت لي توكس وبيبسي لوول اغار منها مايستوي هي تاكل وانا لا المهم وبعدين تمت عندي ولعبنا وقالت لي انها تبا اتكلم ابوها وخليتها اتكلمه وقالت له اني حلوه وجميله وبعد ما خلصت سوالف ويا ابوها
نزل عليها الحب وتمت اتقرص خدودي عااا عوتني وهي اتسويلي اموره وبعدين راحت من عندي ....

وانا فتحت الاب توب وغيرت شكل الايقونات ورتب سطح المكتب ونزلت ادعيه وخلفيات لييين الساعه 2 تقريبا وبعدها امي نادتني عشان اصب لها شاهي واحط السويت

وتميت يالسه فالصاله اسولف ووياهم واشوي ويتني بنت اختي جان اقول لها وديني عند ابوي ومسكت ايدي ودتني عند ابوي ولما وصلت عن ابوي قلت لها قولي له خل ايبوسني وقالت له وباسني لووول وربعدين رجعتني الصاله وتميت يالسه لين وقت السحور وبعد السحور فتحت باب الصاله عشان اطلع وجااااااااان يحدث ماليس بالحسبان اختي مسكتني من اذني ودخلتي الغرفه وقفلت علي الباب وقالت لي نظفي ورتبي ولما بتخلصين دقي الباب بفتح لج تميت 5 دقايق تقريبا انظف وبعدها فتحت لي الباب ودشت اتساعدني وانا انظف قلت لها شيء سري للغابه ^_* المهم وبعد ماخلصت سمحت لي بخروج من الحجره وفتح الاب توب وكتابة مدونتي ووبعدها دشت النت وكتبت مدونتي وبعد ماكتبت مدونتي

فتحت المسن وتميت اسووووووووووولف واحاول اقهر اربيعي لانه .........شيء سري للغايه وبعد ما فشلت في محاولاتي في اني اقهره حسيت ان راسي ايدور بس مب وايد وهالاحساس ماطول
وكملت سوالف وياه لين طلع وزعلني لووول المهم وبعدها تميت اقرقر مع اللي وياي فالمسن لين جد تعبت وحسيت ان راسي ايدوووووووورر وكنت اشوف كل حرف عن عشره وكنت احس اني برجع بس بعد قاومت لين الساعه 10 ونص الصبح وبعدها مادري كيف رقدت والحمد الله قمت الساعه 3 العصر وانا جني بدر البدور طننننق اشدخل لالالالا دخل المهم خل اكمل لكم يومي وعقب ماقمت جلست اشوف التلفزيون من الساعه 5 الى الساعه 6 واشوي وبعدها ساعدت امي في تجهيز السفره وبعدين جت عنا خالتي وبنتعا وعمتي وبنتها وسلمت وياها واستجوبوني ولما جلسنا نفطر كلت اشوي وحسيت بتعب قمت ودشيت الحجره شفت الاب توب مفتوح ففتحت المسن وسولفت وي رامي اشوي وبعدها ابوي
ناداني عشان اساعده هو واخوي في شل السفره ..وبعد ماخلصت وساعدتهم جلست فالصاله وي الحريم وتميت اسمع السوالف واحل الواجب لمدة ساعه تقريبا وبعدها

امي طلبت اتشوف الكتب وعشان تتطمن المهم دشينا الغرفه وتميت اذاكر لين منتصف الليل وبعد منتصف اللي جاء على بالي اطلع وطلعت رحت وي امي واخوي المحطه الاولى عشان اخذ لي هوت دوق بس للاسف طلع مخلص من عندهم طلعنا ورحنا المحطه الثانيه
والحمد الله كان عنهم ..وخذت لي اللي اباه ورجعنا البيت تعشيت ورقدت وبجيه خلص الويك اند

مخرج
أمُــــوتْ أنـَـَا فِــيـﮯ حبّهـُم و أرْخصَت أنَا عيُونيـﮯ لهَـَمْنَـاسْ اسْـــﮕـنَوا قَلبِيـﮯ أنَـا وَ أنـَا سَــﮕـنــْت بـِ قـَلبـهُـم

بســم الله الرحمن الرحيم
ξ
.
ξ
.
ξ
.
[ مـَدْخَـَـلْ .~[ آلظَــلآمْ ] آليَـأ تبَـرىْ مِنْ مدَرَآتْ آلنهَـآرْيبتـديْ عمْـرهْ ضريـرْ " وينتهـيْ " عمْـرهْ ضريـرْ, , وآلعيُــونْ آليَـآ عمَآهَـآ حقدَهَـآ تبْقَـى صغَـآرْ , , مَـآتهَـآديْ مستوَآهَـآ غيـرْ { للـ عَقْـلْ آلصغيـرْ } /~
.
.
.


18\9\2008
الخميس

اليوم قمت الفجر ع الساعه 4 تقريبا شربت ماي وفتحت الاب توب وتميت لين الساعه 5 ورجعت رقدت الساعه 5ونص وبعها قمت الساعه 7 وتجهزت للمدرسه وساعدت اختي في تجهيز بنتها وانطلقت بعدها الى المدرسه واول ما وصلت دق الجرس وجتنا ابلة الرياضيات والحمد الله فهمت الدرس اللي هو عن الاتصال وخلصت الحصه الاولى وكان عنا امتحان فيزياء راجعت خمس دقايق تقريبا وبعدها امتحنت والحمد الله كان الامتحان خفيف وسهل بس بعد خايفه من مساله احس اني ماحليتها بالشكل المطلوب..اني وي الله يستر...وبعد الامتحان فسحه وفالفسحه جتني زميلتي وخبرتني بان وحده من زميلاتنا جدها اتوفى وغايبه ..وقتها ياني احساس غريبL همسه أخاف من الموت كثيراً لأنه الحقيقة التي لا جدال فيها أخاف أن تمتد يده إلى أشخاص لا يمكنني إكمال الحياة من دونهم أناس أحتسي وجودهم كالماء وأتنفسهم كالهواء فيأخذهم بعيدا عني وأبقى وحدي خلفهم أتذكرهم بذهول.. وأبكي.. :'(
....المهم وبعدها قالو لي يلاه نطلع وطلعت واهم رحنا عن ابلة الفيزياء نسالها عن توزيع الدرجات وابشركم لتوزيع لا باس فيه..فرحنا وونحن في طريقنا للكلاس شافتنا وحده وسحبتنا صفها عشان انقول لها اسئله الامتحان
وقلنا لها ولبنات كلاسها ماقصرنا ودق الجرس بداية الحصه الثالثه كان علينا عربي وكانت حصة نحو ولاول مره ما احس بالملل في حصة النحو الحصه مرت بسرعه بدون ما احس ..ودق الجرس بداية الحصه الرابع حصة الكيمياء (احلى ماده ) درسنا وحلينا اشوية مسائل وبعدها سوين تجربه حلووه ..وسرعان ما خلصت الحصه وبدت الحصه الـE والاخيره عطتنا التيجر اشوية فيكابلوري وبعدها لعبنا وبجيه دق الجرس الاخير لليوم
وعم الصف الازعاج والفرح والتهاني والتبريكات J ...

رجعت البيت سلمت على ماماتي وخذت لي ساعة استرخاء وبعدها رجعت عند ماماتي تمينا انسولف وبعدها فتحت الاب توب لعمل مشروع الجيلوجيا والحمد الله خلصته في ساعه..وقمت اتمشاء في ارجاء المنزل ولعبت وي اليهال وجتنا خالتي استقبلتها ..وشفت مسلسل ابله نوره وبعدها كملت لعب وي اليهال وساعدت في شغل البيت وشفت مسلسل فضه قلبها ابيض ولما خلص رحت المطبخ وسويت سويت واذن المغرب فطرت وجلست فالصاله وبعدها ع النت ...وعقب حطو مسلسل ابله نوره ورحت اشوفه وعقب يتني بنت اختي وتمت اتقولي حبيها بمعنى بوسيها وبستهاااا..لين شبعت وعقب ياء خالي وبنته وجلسو عنا وتمينا انشوف مسلسل ضل الياسمين ونسولف واشوي وادش خالتي وبنتها لووول كلهم جايين يطمون علينا بما ان ماماتي وباباتي سافرو المهم ماطولو جلسو اشوي وراحو..وبعدها يلست قدام الاب توب للتدويين..

~. مـَـَخْرَجْ ]
والـْدّرُوبْ اّللـِي [ نِهـَـايَـةْ ] وَصْلَهـَـا ذَاكْ الْمـِـسَارْ
مـَاتِسَـَاوَتْ مَـعْ طِمُوحـَات " الْفَهِيمْ " المُسْتَنـٍيـر, , مـِـنْ يـِمَيّزْ فـِي طِـرِيقْ اْلشّرْ حـِـِسْنْ الاٍخْتِيَارْ, , مـِنْ صِرَخْ فـِي كـِـِلْ قَلْبْ مظْلِمْ { بَصُوتْ الْنَذِيـرْ} /~

بســم الله الرحمن الرحيم
ξ
.
ξ
.
ξ
.
[ مـَدْخَـَـلْ .~[ آلظَــلآمْ ] آليَـأ تبَـرىْ مِنْ مدَرَآتْ آلنهَـآرْيبتـديْ عمْـرهْ ضريـرْ " وينتهـيْ " عمْـرهْ ضريـرْ, , وآلعيُــونْ آليَـآ عمَآهَـآ حقدَهَـآ تبْقَـى صغَـآرْ , , مَـآتهَـآديْ مستوَآهَـآ غيـرْ { للـ عَقْـلْ آلصغيـرْ } /~
.
.
.


18\9\2008
الخميس

اليوم قمت الفجر ع الساعه 4 تقريبا شربت ماي وفتحت الاب توب وتميت لين الساعه 5 ورجعت رقدت الساعه 5ونص وبعها قمت الساعه 7 وتجهزت للمدرسه وساعدت اختي في تجهيز بنتها وانطلقت بعدها الى المدرسه واول ما وصلت دق الجرس وجتنا ابلة الرياضيات والحمد الله فهمت الدرس اللي هو عن الاتصال وخلصت الحصه الاولى وكان عنا امتحان فيزياء راجعت خمس دقايق تقريبا وبعدها امتحنت والحمد الله كان الامتحان خفيف وسهل بس بعد خايفه من مساله احس اني ماحليتها بالشكل المطلوب..اني وي الله يستر...وبعد الامتحان فسحه وفالفسحه جتني زميلتي وخبرتني بان وحده من زميلاتنا جدها اتوفى وغايبه ..وقتها ياني احساس غريبL همسه أخاف من الموت كثيراً لأنه الحقيقة التي لا جدال فيها أخاف أن تمتد يده إلى أشخاص لا يمكنني إكمال الحياة من دونهم أناس أحتسي وجودهم كالماء وأتنفسهم كالهواء فيأخذهم بعيدا عني وأبقى وحدي خلفهم أتذكرهم بذهول.. وأبكي.. :'(
....المهم وبعدها قالو لي يلاه نطلع وطلعت واهم رحنا عن ابلة الفيزياء نسالها عن توزيع الدرجات وابشركم لتوزيع لا باس فيه..فرحنا وونحن في طريقنا للكلاس شافتنا وحده وسحبتنا صفها عشان انقول لها اسئله الامتحان
وقلنا لها ولبنات كلاسها ماقصرنا ودق الجرس بداية الحصه الثالثه كان علينا عربي وكانت حصة نحو ولاول مره ما احس بالملل في حصة النحو الحصه مرت بسرعه بدون ما احس ..ودق الجرس بداية الحصه الرابع حصة الكيمياء (احلى ماده ) درسنا وحلينا اشوية مسائل وبعدها سوين تجربه حلووه ..وسرعان ما خلصت الحصه وبدت الحصه الـE والاخيره عطتنا التيجر اشوية فيكابلوري وبعدها لعبنا

وبجيه دق الجرس الاخير لليوم
وعم الصف الازعاج والفرح والتهاني والتبريكات J ...

رجعت البيت سلمت على ماماتي وخذت لي ساعة استرخاء وبعدها رجعت عند ماماتي تمينا انسولف وبعدها فتحت الاب توب لعمل مشروع الجيلوجيا والحمد الله خلصته في ساعه..وقمت اتمشاء في ارجاء المنزل ولعبت وي اليهال وجتنا

خالتي استقبلتها ..وشفت مسلسل ابله نوره وبعدها كملت لعب وي اليهال وساعدت في شغل البيت وشفت مسلسل فضه قلبها ابيض ولما خلص رحت المطبخ وسويت سويت واذن المغرب فطرت وجلست فالصاله وبعدها ع النت ...وعقب

حطو مسلسل ابله نوره ورحت اشوفه وعقب يتني بنت اختي وتمت اتقولي حبيها بمعنى بوسيها وبستهاااا..لين شبعت وعقب ياء خالي وبنته وجلسو عنا وتمينا انشوف مسلسل ضل الياسمين ونسولف واشوي وادش خالتي وبنتها لووول كلهم جايين يطمون علينا بما ان ماماتي وباباتي سافرو المهم ماطولو جلسو اشوي وراحو..وبعدها يلست قدام الاب توب للتدويين..

~. مـَـَخْرَجْ ]
والـْدّرُوبْ اّللـِي [ نِهـَـايَـةْ ] وَصْلَهـَـا ذَاكْ الْمـِـسَارْ
مـَاتِسَـَاوَتْ مَـعْ طِمُوحـَات " الْفَهِيمْ " المُسْتَنـٍيـر, , مـِـنْ يـِمَيّزْ فـِي طِـرِيقْ اْلشّرْ حـِـِسْنْ الاٍخْتِيَارْ, , مـِنْ صِرَخْ فـِي كـِـِلْ قَلْبْ مظْلِمْ { بَصُوتْ الْنَذِيـرْ} /~

التاريخ : 17\9\2008

اليوم : الاربعاء

اليوم نشيت الساعه5:45فديتني انش من وقت مشطووره ^^ ..اصلا من بداء رمضان انا اقوم من وقت ومرات اقوم من الفجر اسحر واتم لين الليل..
طبعا ما قوم بروحي ماماتي او باباتي هم اللي يقوموني
اول ما قمت تجهز للمدرسه وبعدين اختي تمت اتسولف وياي وبعدها فتحت الاب توب وتاكدت من الجدول واغراض المدرسه وراجعت اشوي
وعقب سويت شيء سري للغايه لوول وتميت اتمشى في ارجاء المنزل لين 8 ونص قام باباتي وقالي يلاه ..
وطلعت ووصلني المدرسه وجاان انشوف الزحمه وحاله والبنات ينزلون من السيايرهم في نص الشارع ويدشون المدرسه مشياستغربنا وبعدين تاخر الوقت وقلت لبوي خلاص عادي انا بعد بنزل ونزلت ودشيت المدرسه مشي
وكنت شاله الشنطه وفايلين كبار ودكشنري لين وصلت الصف حسيت ان ايدي راحت فيهاوالمصيبه ان الصف كان مقلوب فوق تحت والبنات شالات ادراجهم وينقلونها صف ثاني
لحقتهم عشان اعرف شو السالفه ووين درجي شفت وحده من الاداره وقالت لي الحين هذا صفج طلعو ناقلينا صف ثاني ..المهم دشيت ولقيت زميلتي ناقله درجي والكرسي ستانست وبجيه بداء يومي الدراسي وانتهاء بكتابتي لموضوع عن الاحتباس الحراري لوول وجان ينتهي الدوام..
رجعت البيت سلمت على ماماتي وباباتي ورقدت ساعه وبعدها قمت جلست فالصاله ..واشوي ودش خالي واخوي الكبير ولد خالي وقمت سلمت عليهم وسولفو اشوي وراحو..وعقب يلست اشوف مسلسل ابله نوره وبعد ما خلصقمت اساعد ماماتي جهزت وياها السفره ..فطرت عدل عدل عدل ...

..وبعدها قمت اكتب واجباتي واراجع ...والحمد الله خلصت بسرعهوفتحت الاب توب وعدلت ملفاتي والحين هذاني اكتب هير

و باجر ترقبوا يومي ..

SeE YoU

البطاقه الشخصيه .. لــ ((MzAjYaH))..~

الاسم : UAE. g!rl

المهنه : طالبه في السكول

تاريخ الميلاد :15\1\1991

من : الـu.a.e

شو بعد ؟؟!

اممم

شو احب وشو ماحب:احب النت.. حب السمك للبحر..واحب الضفادع..البحر... وماحب القطاو..العصبيه..الصراخ

ماكولاتي المفضله : عيش مدلل ..معكرونة خظراء..اسبكتي..لزانيا..سيسر..جوكلت كيك..

المشروبات : عصير جوافه..كوكاكولا..اونمين سي..منجا فراولا ..توت

بسم الله الرحمن الرحيم ..

السلام عليكم ..

اهني راح احط يومياتي و مواقفي الحلوه و المحرجه ..

واول شيء بحطه بطاقتي الشخصيه

BRB