15\12\2008 _30\12\2008
من بداية نص شهر 12 انضغطت فالمدرسه كل مدرسه تبانا انسلم واجبات وتقارير ومشاريع مادتها وتبا تخلص من الدرجات واتسلمها ..فعاد اول شيء تمو يطلون منا ان انسلم الواجبات ..وحليت الواجبات بمساعدة ماماتي واربيعي جوزيف والله تعبتم معاي ..ماماتي كتبت لي نص السيره الغيري تقريبا وجوزيف كتب لي قصة البنت الصرخه ..وانا كتبت قصة الحواله...وحليت واجب النحو..وبجيه خلصت من واجبات العربي وسلمتها وفي نفس اليوم خلصت من واجبات الفيزياء عاد ابلة الفيزياء كانت عاطتنا فوق السبع اوراق انحلا وماخذت من عنا الا واجب واحد و اللي صححت وحسبت وباقي الواجبات قالت انا عطيتكم اياها على اساس انا واجب عشان ماتستينون فيا وماتحلونها اهو انتو استفدتو ..على اساس يعني انها سوت جيه عشان مصلحتنا ..المهم واليوم اللي بعده اشتغلت على واجب الرياضيات على ما اعتقد وواجبات الكيمياء وسلمتها ..وبعدين اتفرغت للتقارير اللي على اساس ان اختي اتسويلي ايام بس ماقدرت اضطريت اني انا اللي اسويهم ..وبعد ماخلصت وسويت م اختي عدلتلي اياهم وزينتهم وبعد ماخلصت من الرتوش الاخيره سبفتهم على الفلاش وعبود وداني المكتبه صورتهم ووبوم سرت المدرسه سلمتهم وبجيه فكيت نفسي من التقارير..ومن قبل كنت مخلصه نفسي من البحوث والمشاريع يعني مابقت لي غير امتحانات العملي وامتحان اللسنق وامتحان شفوي احياء ..خليتهم لين بعد عرس محمد
لانه ماكان باقي عن العرس غير 3 ايام تقريبا ..في تاريخ 19\12\سوو ليلة الحناء ويابو محنايات ويت عنا عمتي وبناتا والعروس وامها وخواتا وبنات خالي وعمي ويعني حريم وبنات العيله الكريمه اتيمعنا كلنا واتحنيناا وعقب اتعشينا وكل وحده سارت بيتا ماعدا عمتي وبناتا باتو عنا وكانت الليله روعه استانست انا والبنات سهرنا
ورقدنا قريب الفجر واختي وعمتي ووماماتي يو ايدقدقون علينا الباب الضحى وقومونا بالغصب لوووووول المهم وشمسه قمنا وسبحنا وسرنا القاع لانه كانا حاجزين على اساس انا يمكيجونا وايسوولنا التسريحه هناك وي العروسه...وبجيه كنا من احلى البنات فالعرس لوووووول وشو اسمونه وجي يعني مر الوقت بسرعه وطلعنا رحنا الصاله نستقبل الحريم وعقب دخلنا العروسه واتصورنا ويها ويلسنا وي البنات والحريم وجيه لين يو اخوان العروسه ودخلو المعرس اللي هو محمد ماي بق برذر كلوولوووليش يعني عشان اتعيشون الجو لوول المهم وعقب رقصنا واتعشينا وسوينا مسير لين البيت وفالبيت كانو يايبين جلسه في عشاء الرياييل وكانو ماشاء الله

مرتبشييين من الخاطر رقص واغاني وبوفيه المهم دخلنا البيت وبدينا فالسوالف عن العرس وفالحش عن الحريم والتعليقات وجيه يعني وتمينا سرانين لين الصبح رقدنا اشوي وعقب قومونا عشان نتغداء وعشان نتجز لان حريم كانو بيون ع العشاء لانهم ماحظرو العرس وبيون اياركون...ومامداني استانس باجواء العرس خلص الويك اند وغبت يوم زياده على الويك اند اجازه من عند المعرس لوول واليوم اللي بعده داومت وامتحنت اللسنق وابلة الرياضيات بعد امتحنتني امتحان شفوي زياده لاني ماشارك وشرحت درس الاحياء وامتحنت نص امتحان اداء العملي لوول والنص الباقي امتنحنته باليوم الثاني اللي و اخر يوم داومت في من الفصل الاول النص الاول كان عبار عن تشريح العين والحمد الله شرحت بطريقة ممتازه ولو اني اتاخرت بس غصبا عني والل زين مني قويت قلبي وظغطت علة نفسي وشرحت لوول كل البناات شرحوو وحلو ورقة الاسئله اللي عن العيون اللي هي مكمل للامتحان الا انا حظرتي شرحت العيون وباليوم اللي بعده حليت الورقه لانه الحص خلصت وفي مفس اليوم اللي كملت في امتحان الاحياء امتحنت اداء العملي جيولوجياء كان الامتحان عباره عن قطاعين واسئل عنهم كل الاسئله كانت سهله بستثنا سؤال مادري من وين يايبتنه..وكانت يايبه 3 صور احافير مختلف وطالبه نكتب اساميهم وفي اي حقب اشتهرو وكيفية تكونهم..والحمد الله كنت حافظتنهم وحليت بس والله مب متاكده من الاملاء لانه اساميهم صعب وطويله...وبجيه خلصت لوول صح نسيت اكتب اني من قبل هالفتر ممتحن ومفتك من اداء العملي مال الفيزياء والكيماء..حيث ان اختبار الفيزياء كان في عملة البندول و ساعة التوقيف كان وايد سهل بستثناء الرسمه البيانيه وفالكيمياء كانت طال منا مزج بين زوج من المحاليل وولازم نكتب شو اللي يتكون عنا يعني يتكون راسب ول لا ومن السوالف ...وبس
بدت اجازه الامتحانات وذاكرت يومين وباق الايام طلعات و لعب بشتاء انواعه ونتيجة اللعب

لووول المهم اليوم الاول اللي ذاكرت في مع نخب من الطلاب لوول اللي هم اخوي الكبير محمد واخوي الصغير حسن حيث اننا قررنا انا انيب مدرس ايراجع لنا الرياضيات فالبيت وقلنا القرار العظيم لماماتي وماماتي وافقت علي واتصلت في حرمه وخذت من عندا رقم استاذ وقالت له ايي ويا ومحمد كان راقد لوول وانا اللي توهقت المهم راجع لي وكانت المراجع عبار عن جلست وفتح الملزمه وتم ايحل نموذج امتحان السنه اللي طافت ساعتين ونص تقريبا وخلص جان يسالني عن الطالب الثاني لووووول ورحت زقرت محمد وطلع له وسو نف الشيء مهاع بس الفرق عاد ان انا الحمد الله استوعبت الشرح م

خدي ماكان مدمكر بس محمد جلس وي الاستاذ وكان هو والكرسي نفس الشيء ايقول مخه كان مدمكر لووووول وبجي مره اليوم الاول اللي ذاكرت في واليوم الثاني اللي و قبل الامتحانات بيومين محمد جمعنا على طاولة الطعام وقال لنا اني كتبنا انيلس ويا انذاكر وانا يلست ذاكرت 15 دقيقه وهو والذكي ذاكرو 10 دقايق لوووول
وبعد يومين كانت ليلة اول امتحان عند محمد وكان اول امتحان عندم رياضيات قلنا له راجع على اللي عطاك اياه الاستاذ ماطاع قال مابفم شيء بسير المكتبه ببرشم الملزمه وصدق صار وبرشم ..ادوات التبرشيم لوولويقوووول ان حل فالامتحان ...وبس وبعدين بدت امتحاناتي..مع بداية امتحانات اشتغل مخي وقمت اسوي شيء سري والدليل^^