the end...ya rb ayeb nsbah atvy؛6 ahwah

31\11\2008
اول يوم فامتحانات نهاية الكورس الاول كنت راقده الساعه 4 الفجر تقريبا وقمت الصبح الساعه7 وانا فيني رقاااد والامتحان الساع 10 بس ضغطت على نفسي وقمت عشان اصلي واراجع وفعلا لوول حلوه فعلا المهم قمت وصلبيت وشربت كبتشينو وتميت اراجع لين الساعه تسع وربع تقريبا وبعدها طلعت تميت اتمشى فالحوي وصورت الورده اللي كانت توها متفتحه عطتني امل وحيويه ونشاط بروعة منظرها وشغلت السياره ويت ماماتي وصلتني وتمت تدعيلي وتعطيني بعض النصائح والارشادات لين نزلت من السياره ودشيت المرسه وكانت ززززززززززحمه وشفت بنات كلاسي وسملت عليهم وقالولي وين اسمي وفي لجنه ورجت جيكت واتاكدت وشفت اني في اللجنه اللي فالمسرح ورقم جلوسي 41 وبعدها جلست اراجع اشوي لين دق الجرس ودشيت المسرح دورت مكاني ولفيته وكان كله غبار بس من شفت فايل الامتحان نسيت الغبار واتهمكت فالحل بصراحه الامتحان كان طويييل ويباله وقت اطول صح انهم عطونا نص ساعه زياده بس كان يباله مده اطول لانه ماكان سهل لمهم حليت وخلاص الله يستر وبعد ماخلصت المده سلمت الورقه ورجعت البيت سلمت على ماماتي وصليت ورقدت لين بعد المغرب قمت صليت وطلعت شفت عمتي وبنها وولدها وجلست وساهم وتمينا انسولف لين الساعه 8 مادري9تقريبا سارو من سارو جلت اطالع التلفزيون لين ماماتي وباباتي يو من براء وكانو يايبين عشاء من الطازج اتعشيت ورجعت اشوف التلفزيون وعقب يت اختي وريلها وجلت وياهم وتينا انسولف وعقب قمت ودشيت الحجره وفتحت الاب توب وبتحديد فتحت قايل الملفات المتلقاه وقريت الاشاء اللي مطرشيلي اياها وشفت الصور وزاد شوقي للنت وكتبت شو سويت اليوم وخلصت و وبرررقد ..

1\1\2009
في بداية راس السنه الميلاديه قمت ع الساع 11 تقريبا واتجهزت وامي كانت شارتلي هديه عباره عن بدله عشان البسه حق البر لان كانو امخططين لرحله وبما ان مافي نت يعني اكيد بسير وياهم ولبستا وكشخت وطلعنا سرنا اول شيء المحطه وكانت زحمه ومافيها البترول اللي نباه وطلعنا منا سرنا محطه ثاني وعبينا بترول واتشرينا حلويات وعصاير عشان نتمزمز بم لين نوصل ونحن فالطريج اخويه قال ابويه

يوم بنوصل البر انا بسوق وابويه قاله اوكيه ولما وصلنا خلو وايسوق وعقب انا بعد قالو لي سوقي وعلمني كيف وسقت السياره ولواول مر في حياتي اول شيء كنت خااااايفه بس بعدين عادي والله ماتوقعت اني بعرف اسوق لووول طلعت سويقه ماهره هع المهم وعقب ماسقت وصل ولد خالي وياه اختي وبنت عمي وعيالهم وجلسنا انزل الاغراض

واختي وبنت عمي بدول اقصصون الدجاج والسلطه وايتبلون حق الشوي وولد خالي غرز وتم ايحالو ايطلع السيار ويا ولد خالي الثاني ويعد غرز بس قبل ما يوصل المكان اللي كنا جالسين فيه وبعد تم فتره اياحاول اطلع السياره وبعدها طلعو السيايير خالي وعيال خالي وصلو وهذا العصر وبعد المغرب اخوي ومرته وصلو وعشو الياهال وصلوهم البيت وبعدها رجعو وحطو العشاء واتعشينا وجلسنا انسولف ونلعب وعالساعه وحده طلعنا من البر ورجعنا البيت ونحن مستانسين وتعبانين لووول صح بعد مارجعنا وسبحت ورقدت بعد الساعه ثلاث وربع تقريبا
2\1\2009

من الفضى والملل سويت جرد ورتب حجرتي

قمت الساعه خمس ونص الفجر وسويت شيء سري للغاي وبعدا حاولت ارقد وماقدرت لين الساعه6 قمت صليت الفجر وسرت عند ماماتي المطبخ تميت وياها اشوي وعقب رجعت رقدت وقمت الظهر اتغديت ولعب وي اخوي الصغير برهوم الشرير اللي كان بيفر علي السبون وانا اتغداء وزين ان الل سلم وابوي شافه واتلاحق خذ من ايده السبون ول كنت بروح فيا فديتني والحمد الله على سلامتي لوول المهم وعقب يلست اشوي فالصاله اشوف التلفزيون وبعدا دشيتا الحجره عشان ارقد لوول وياكثر الرقاد اللي ارقده بما اني رقدت لين الساعه 9 ونص اقريبا قمت صليت واجلست اشوف التلفزيون وارمس فالفون وبعدها سويت شيء سري للغايه وابوي قالي اسبح برهوم سبحته ولبسته ورجعت اشوف التلفزيون شفت فلم اللمبي وليه خلتيني احبك وتيتو ومسلسل بنت من الزمن ده والاخبار لوول ماخليت شيءوعقب رقدت
3\1\2009
وقمت الصبح الساعه 9 تقريبا وذاكرت لين 4 واتغديت الساعه 5 وعقب تميت العب وي اليهال فالصاله وجلست وي يدوتي ويونا قوم عموه وخالوه وبنات خالي وجلست وياهم وجلست اشوف برنامج على قناة المستقبل ماعرف شو اسمه ورجعت العب وي اليهال فالصاله اووه صح ومب بس رجعت لعبت واضاربت وي سلطوون لوول وعقب طلعت اتمشيت وي ماماتي وباباتي فالحوش ودشيت فتحت الكتاب اشويه عن خاطره ورقدت
4\1\2009
قمت قبل الساعه خمس صليت ركعتين وتميت اراجع على الايات والقصيده وصليت الفجر ورقدت وقمت الصبح شربت كوب حليب وراجعت على العروض والنحو
وسرت امتحنت والامتحان كان عبار عن 14 صفحه وكل صفح ادى وامر من الصفح اللي قبلها على ناية الامتحان تعبت تم ظهري ايعورني ورقبتي ايعوروني من اليلسه
فاحس اني زفت في اخر صفحتين حليت بس ماحليت بضمير يعني مثلا في كتابة السيره ماكتبت الا 11 سطر تقريبا ماطلعت كل اللي عندي..الله يستر ...وذا شسمه رجعت البيت سلمت على ماماتي وتميت اذاكر الانقلش لين المغرب واتعشيت ورقدت 3ساعات وعقب قمت سرت عند my big sistar كنت عطشان عطتني ماي وشربت ورجعت رقدت ماياني الرقاد رجعت فالصال يلست ويام ساعه تقريبا وعقب رجعت رقدت
5\1\2009
قمت الفجر صليت وتميت اراجع واراجع وشربت كوب حليب وسرت المدرسه قبل الامتحان بساعه جلست اراجع وامتحنت وكان الامتحان عبار عن 11 صفحه وكان سم للغايه ومدته ساعتين ونص وانا واصله الصفح الخامسه قالو ان ماباقي على وقت الامتحان الا نص ساع ارتبكت وزفت اكثر واكثر في باقي الصفحات ..ورجعت البيت ورحت عند ماماتب واتغديت وبديت اذاكر الجيلوجيا لين المغرب تعبت ومليت ورقدت وقمت الساعه 10 تقريبا صليت العشاء وجلست اكمل مذاكره لين الساع 3 رقدت
6\1\2009
وقمت الساعه 7 ونص اقريبا شربت كوب حليب وكملت مذاكره وسرت المدرسه هببت ورجعت البيت اميه عطتني محاظره وقالت لي تغداء واتغديت وجلست على الاب توب اكتب لوول وعقب رقدت وقمت تمت اختي اتذاكذاكر لي الاحاء لين اللساعه 3 فليل وقبل ما ارقد سويت شيء سري للغاي ورقدت
7\1\2009

قمت الصبح شربت حليب و تميت اراجع وسرت المدرسه امتحنت ورجعت البيت سلمت على ماماتي ورقدت وقمت العصر سويت لي كوب اوفسوب ويلست اشوف التلفزيون وعقب طلعت وي ماماتي وياياتي سرت بيت خالي وكانو ايتابعون مباراة السعودي واليمن وايشجعون وعشنا الجووياهم وعقب كلنا لقيمات واتكوينا ورجعنا البيت يلست اشوي فالصال وعقب دشيت ارقدت وكان مزاجي معكر وزفت الطين ومازال ولهان ع النت وايد خلاص مليت من قلب
8\1\2009

قمت الظهر اتغديت ويلست فالصاله لين المغرب وانا الس فالصاله اخوي رقد جان اصور خشمه وقام معصب قالي امسحي الصور وتميت اشوف الصور واضحك وقام عشان ياخ الفون جان اركض وتم يلحقني لين دشيت الحجره وقفلت الباب ياء بيدش من الدريش شافها مقفولع تم ايدق الياي شكرثر ولا فتحت له وعقب اختي الكبيره يت ادق الباب وفتحت لها ودش خذ الفون ومسح الصوره

وعقب سرنا الماكدونلز اتعشينا ورجعنا البيت تمينا يالسين في صالة اليهال انسولف وفتحو موضوع النت وقلت لم اني بدش النت اول مارجع من اخر امتحان جان اتقول اختي تحلمين اصلا النت مابدشين الا عقب مانشوف الشهاده وبعدين مابتمين تستخدمين النت في ايام المدارس لا في اخر يوم من الاجازه بيكون اخر يول لج في استخدام النت وعقب تميت اشوف التلفزيون شفت برنامج بعيد المنال وفلمين عقب قمت وسرت الحجره وانا نفسي فخشمي ويلست ابروحي افكرفي كلامها كدرتني من الخاطر ضايقتني سدت نفسي عن المذاكره وعن كل شيء على بالها الطريقه الصح وللي في مصلحتي ...اووف كل اللي مخططه له مابيستوي مايكفي وقتي اللي ضاع قبل الامتحانات وفي ايام الامتحانا وبعد بيضيع بعد الامتحانات ....يفكري المحدود مضيق مجالك
9\1\2009
رجعت اسال غصب عني جبرني الشوق واعذرني انا مقدر على قلبي ,,انا مازلت افكر فالنت ...ولاكن هذيل هلي...ولاكن هذي اطباعي ماقدر ارد عليهم...امان ان جيت على بالكم تطمنون قلبي على حالكم على الذكرى انا عايشه ... الحمام دشت حجرة يدوه وجاان اصورها قبل مايطلعونها لوول
10\1\2009
.قمت الصبح عشان اذاكر وجمعت كتبي واراقي ودفتري وكراستي واغراض الرياضيات يعني الال والمسطره وهالسوالف وحطيتم جدامي عشان اذاكر بس ماقدرت جاستني جالة احباط حسيت ان عندي تشبع من المذاكره وتركت كل شيء ورجعت رقدت وقمت العصر بديت اذاكر لين الساعه 11ونص تقريبا اتعشيت وسويت شيء سري للغايه ورقدت
11\1\2009
قمت الصبح وشربت كوب حليب كالعاده وبديت اراجع لين الساعه 9سرت المدرسه وبلست ولثاني مره من بدت الامتحانات وي البنات وتميت اراجع واياهم لوول علمتم بعض المسائل حسسونس اني زلمه ..معظم البنات ماكانو مذاكرين عدل اللي كانت طالعه ومافضت اتذاكر واللي كلما اتي بذاكر اتم اصيح وواللي والللي والي واللي لوولالمهم واستوت الساعه 10 ودق الجرس بداية الامتحان كان الامتحان طويييييييييييييل واصعب من الصعوبه وكل اشوي كانت موجه ادش القاعه وكل اشوي المراقبات يجمعون ويدقون سوالف كانو مسوين ازعاج ..هذا من غير الاخطاء اللي كانت فالامتحان اللي عقدتني وكل اشوي الابل اتيي واتقو لنا عن خطاء ..المهم مرة الساعتين ونص بسرررررررعه ونحن يادوب مخلصين مالحقنا انراجع ولا انسوي شيء سحبو عنا الاوراق وطلعت رجعت البيت اتغديت ورقدت لين 6 المغرب قمت وبديت اذاكر الكيمياء لين الساعه 1 تقريا يا عنا خالي ولد خالي الثاني ومرته واخوي ومرته وطلبو عشاء واتعشنا ونحن جالسين قلت لخوي احمد سولي واسطه قول ..اختي الكبير باجر الدخل لي الباسورد مال النت عقب مارد من المدرسه لوول وسوالي واسطه وافقت بعد معاناه وصياح وترجي وحاله ..واتعشينا وسرت رقدت
12\1\2009

قمت الفجر وتميت اراجع ع الكيماء وسرت المدرس امتحمنت وكان الامتحان زفت ورجعت البيت قلت لاختي ادخل لي الباس ورد وقالت مب عندي ورحت عند اختي الثاني وقالت لا مابدخلج ايا اليوم اليوم شكلج تعبان ارتاحي ارقدي واسترخي عقب الامتحانات وباجر بشغلج اياه ..وتميت اقوله لااا مابا ابا اليوم وعقب رضت ودخلت لي الباسورد وجلست ع النت وضايقت وزعلت وكل شيء لانه تعبت نفسي وخليتهم ادخلولي الباسورد تقريبا ع الفاضي
..
ياهم خذ همك وروح ياصبر صبري عليه
يكفي متاهات وجروح لاجيت انهي هابدتيه
والمشكله قلبي معاه هالنت وكل يوم يتجدد غلاه

the end

كان طول اليوم ينزل مطر ينزل خمس دقايق بغزاره ويقف ساعه تقريبا ويرجع ينزل

وناسه وانا واليهال كل ما نسمع الصوت نطلع فالحوش م يلعبون وبتنططون وانا اصول لوول