11ّ4ّ2009

يوم السبت كان عندي امتحان سيبا في جامعة زايد فدبي فقمت الساعه اربع تقريبا عشان اراجع واتجهزت وطلعنا من البيت ع الساعه سته

وتميت اراجع فالسياره لين وصلنا الجامعه ...ونزلت وي ماماتي وقدام المدخل شفت بنات كلاسي وويت جرمه اتسلم عليى ماماتي وانا سرت عند بنات اكلاسي سلمت واستلموني بالاسئله باللي ريحتني اشوي طنق كنت متوتره ومستحيه وحالتي حاله مادري شوسالفتي المهم وعقب دشينا وشفنا العجب وتمينا نسولف ونستهبل فالwiting roomلين الساعه تسع الا ربع تقريبا قالو لنا يلاه تعالي عشان تمتحنون وسرنا شافو اورقنا وجيه ودخلونا اكلاس الامتحان و شرحولنا كيفية حل الورقه وكان حاطيلنا اقلام رصاص ومساحات والالات حاسبه خربانه طنق وعقب بدينا انحل كان الامتحان عباره عن 10 صفحات بالعربي وبالenglishوكان عادي بس ياني سؤال وايد عقدني سؤال الحبل {{اللي ياها وعرفت اتحله اتقولي الاجابه لانه وايد قاهرني هالسؤال طنق...وووو هيه ايقولكم هذا المراقب كان يالس قدامي مادري انا يالسه قدامه المهم نفس الشي طنق عاد اسمينه يرمس طوول الوقت يرمس المراقبه بس بصوت واطي ويتثاوب مادري شو ايسوي ازعجني

خصتا اخر نص ساعه يوم تم ايقول باقي من الوقت نص ساعه وعشرين دقيقه وربع ساعه وجيه اتنرفزت تميت ادقدق ع الاله وسكت ماتب ايسولف كع حسيت اني قويه لووول المهم عقب ماخلص الوقت سلمنا الاوراق وطلعت من الكلاس وي ربيعتي ilove my silf وتيت اتمشى وياها لين يت وحده اصراحه ما ابلعها طنق وجان اروح عنهم دقيت فباباتي وقلت له اني خلصت جان ايقولي نحن براء فالباركنات

وجان امشي امشي امشي امشي وااااااااااااايد لين طلعت من الجامعه تعبت الصراحه الكلاس كان وياد بعيد المهم اشوى انهم كانو في اول باركن ركبت السياره على اساس اني بصور الجامعه والاف ته اللي مكتوب عليها جامعة زايد طنق لزوم كشخة المدونه بس ماماتي وباباتي تمو يضاربون ونسيت السالفه...المهم عقب ردينا البيت وتميت اسولف ي my big sister طنق ونحن انسولف قالت لي انهم مسوين عزيمه وانا اخر من يعلم فماسرت ابدل كنت متكشخه اوردي حق الجامعه لووول بس شعري كان يباله واختي سوت لي اياه المهم وعقب اذان الظهر فجأه شفت البيت فاضي تميت ادور ماماتي وباباتي واختي ولد خالي مافي حد جان اطلع براء ول اشوفهم كلهم براء الشارع خفت وتنحت ..ماماتي لفت وشافتني قالت لي ...سيري يبي غرشة ماي بارد وكاس بسرعه اركضي جان اركض وايب وانا اناولها شفت ناس متجمعين وسياراتين اطفاء طننننق وانا بعدني مب مستوعبه شو الموضوع المهم جان ايقولولي ان بيت جيران يحترق وان البنات اليران ايصيحون ومايرضون ييون بيتنا لانهم يستحون ومادري شوه المهم وعقب الحمد الله طفو البيت وكان سبب الحريجه انهم ناسين مدحن في دولاب الملابس ..{الحمد الله ان مافي اصابات ومحد منهم اظرر وان شاء الله الله بيعوضهم } وحليلهم مايستاهلون ...وعقب ما اطمنا عليهم وجيه دشينا داخل وتمينا انجهز حق العزيمه فدتني اشتغلت يبت الـspoonمن المطبخ ويلست اليهال عشان يتغدون وعقب ماماتي غرفت لي واتغديت قبل الناس طنق وانشغلت عني وسرت جلست ع النت لين العصر وكان في شيء ايعورني وزاد العوار قبل المغرب عاد ع الساعه 7 ماقدرت اتحمل وقلت حق ماماتي وعطتني دواء وتميت يالسه وياها هيه والحريم لين الساعه 8 بعد خذت مسكن ويلست ع النت لين قريب الساعه تسع تنحت جان ارقد رقده هنيه رقدة الحلوات فالامارات ...

كنت مصوره اليهال وهم ياكلون فالعزيمه وهالسوالف وكنت مصوره رجال المطافي وسيايرهم والناس المتجمعين وبيت جيرانا وهو يحترق قصدي وهو يدخن عااااااااااااااااااااااد تعبت واليوم تاريخ 12ّ4ّ2009 وبالخصه الساعه 11:49 وينزل عنااااا مطررررررررررررر وبرق ورررعد والجو رهيييب وطررر ورقيييص وماقدر اقاوم بسكر المدونه برب عقب بعدل الصور وبنق الموزوع