ذكريات سوالف وعلوم من شهر ثلاثه واربعه

شهر ثلاثه كان تعيس نوعا ما كله كان مواعيد مستشفى

وغياب ومزاج معكر

و امتحانات و حاله ودنيا و جيه يعني ..في يوم من ايام شهر ثلاثه كنت تعبانه وغايبه فاختي ودتني الدانكن دونت وطلبت لي ريوق عشان اتريق كع استانس هذاك اليوم وبعدها بكم يوم سرت السوق وسرت اودي لا بتوبي المريض وبعدها بسبوع سرت اييبه من المحل

هيه هذا كنت باديه فالمشروع مال الجيولوجيا يمكن من اول ثلاثه مادري اخر شهر اثنين فبيت وحده من ربيعاتي وبنات كلاسي بس ماكملنا المهم فضيت نفسي فيوم من الايام عشان اكمله ولا اكتمل وصبعي احترق بسببه اهىء اهىء وياليت الاله تستاهل هالمشروع بس ماقول غير غيرو اقلامكم السخيفه كع كع .

بس شهر اربعه صح انه تعب خلاص الحين وقت الكراف صح وامتحانات وموعد تسلين التقارير والواجبات والامتحانات الماجله وامتحانات اخر التقويم يعني ضغط من الخاطر ورغم هذا كله فضينا نفسنا فالويك اند وسرنا قناة القصباء استانس وااايد وايد كنت محتاجه هالطلعه غيرت جو ولعبت وقبل ما نسير القناه طلعنا من البيت وانا طالعه اتصلت i love my self وقالت لي انها قريبه من بيتنا وتباني ادليها البيت عشان تعطيني الكتاب المهم وسرت لها وخذت عنها الكتاب وعقب سرنا الماك دونلز اتغدينا وانطلقنا الى قناة القصبا اول ما وصلنا اتفرجت ع النافوره وجلسنا فالكوفي فتحت الاب توب وتميت اسولف ع المنس ساعه تقريبا وكلت دونت يم يميه وعقب سكرت الاب توب وتميت اسمع سوالف اختي وبنات عمي

ووعقب سرت العب وي اخوي واليهال اكثر لعبه استانست فيها السيايير وعقب شسمه سرت المطعم يلست وي بنات عمي وماب بك سستر اشويه وبعدها سرنا انصلي وسرنا المشتل فيه ورود اتخبل استمتع الصراحه كع وعقب طلعنا رجعنا البيت من الطريق اللي انا احبه مرينا على الاماكن اللي احبها والل من زمااااااااااان مب شايفتنها كع لانه مب من زود طلعاتي المهم ويوم وصلنا البيت رررررقدت رقدت الحلوات فالامارات وقمت الصبح مب شبعانه رقاد واتذكرت ان عندي امتحان فغبت واستوت سوااالف علوم اتصلو من مدرسة اخوي يشتكون عليه وانا اتذكرت انه عندي امتحانات ماجله فتميت على اعصابي خايفه يتصلون من المدرسه واتوهق عدل فقلت خل اقول حق ماماتي قبل ماتعرف منهم كع وجاان اقول لها ماماتي بصراحه انا بقولج شيء عشان ماتنصدمين واعترفت لها بالحقائق المره وجاان اتهزء اشوي واتعاقب اشويتين كع قالت لي ارتب حجرتي بروحي لوولز بصراحه عقاب حلو بالنسبه لي بس مب وايد هييه صح في شهر اربعه بدت اتهل علييه هدايا فالكلاس بنت حطت لي هديتين الهديه الثانيه كان كيس جلكسي كبير

تمو بنات الكلاس متخبلات واتضاربو علييه كع وشوو بعد هيه صح هالشهرمزاجي وايد متقلب فالله ايكون بعون اللي ايعرفوني (ويه منحرج)