مدخل},,
قلبي كسير و بالحزن صار مكبوت ويل قلبي كم بصبر وبعاني

31\يوليو\2009

قمت قريب الفجر واتذكرت ان بنسير البحر وان لازم اكشخ حق السباحه كلعاده وففتحت الدولاب وعفسته تعفيس لين طلعت لي شيء دش راسي حق البحر ولبسته وجيه وعقب سرنا البحر وصلنا اول ناس ورحبت فوق المنصه وتميت اصور وبمعاناه نزلت وانا نازله كفخت العمود بخاصرتي واتعوووووووورت واستوت علامه اهىء اهىء اهىء مايسوى علييه ..كنت قايله لحسون يوقف تحت عشان اذا طحت يلقفني طنننق ..المهم وعقب مانزلت سرنا البحر وتمينا نسبح ونحن نسبح الفاره بغت تغرق بس الحمد الله الله سلمها وبنت خالي شافتها وطلعتها بسرعه وعقب تمت اترجع والحين هيه بخيير بس ماضن بدش البحر بعد ,,,وبعدها كملنا سباحه وجيه وعقب ع الساعه 8 ونص طلعنا ورجعنا البيت والكعاده }}ماتعرف وين عباتها وشيلتها والله دوم هاي حالتي اروح بعباه وشيله وارجع بلبس السباحه طنننق هيه صح ونحن طالعين من البحر الاولاد تمو ايسون حركات هلى سلم المنصه مادري المنامه وصورتهم طننق

,.,

1ـ8ـ2009

قمت الصبح واختي قالت لي تعالي وياييه بخلص شغله وبسير البنك وقلت لها اوكيه وسرت وياها وعقب ماخلصنا من البنك رحنا المطعم خذنا ريوق وسرنا بيت خالي اتريقنا هناك ويلسنا انسولف وعقبر رجعنا البيت لقيت اميه تترياني عشان اسير النادي اتجهزت وجهزت شنطتي ورحنا النادي وسبحت وعقب رجعت البيت يلست ع النت لين المغرب المغرب ابويه قال يلاه خل انسير المول بشوفلج سيكل وبنتعشاء براا من زمان ماطلعنا قلت اوكيهوسرنا وانا متتتتتتتتنحه وفيني رقاااد مب مستوعبه شيء المهم اتشريت اشوي ويوم دخل ابويه

محل الرياضه انا طبعا من التناحه وكنت اتمخطر وصلت بعد ماشاف على قولته وخلص وهو ياي بيطلع قلت له ابويه شفت لي سيكل قالي هيه بابا هالسياكل مب مال بنات وماشرالي اهىء اهىء المهم وعقب طلعنا سرنا المطعم تعشينا ورجعنا البيت واتفاجانا لقينا عمتي وبناتها عنا يايين من العين واستاااااااااااانسنااا لانهم بيباتون عنا بس ماسهرنا رقدنا على طوول..

2ـ8ـ2009

والصبح قمنا اتريقنا وعقب عمتي قالت خل انروح كم مول نتشرى حق العيد وبناتها ماصدقو وافقو على طول طنننق وقالو لازم مزاجيه اتي ويانا قلت لالا انا ماحب السوق وعقب معاناه اقنعوني وسرت وياهم واستانسنا وماخلينا شيء فخاطرنا الا واشتريناه وعقب رجعنا البيت هلكاااااانات ع الاخر كلنا لقمه ويلسنا انشوف التلفزيون وعالمغرب بعد طلعو السوق بس انا ماسرت وياهم طننق رقدت لين الفجر قمت

3ـ8ـ2009

وسرت انا وmy big sis وحسون وعمران ولد خالتي المطعم يبنا ريوق ورجعنا البيت قومت عمتي والبنات ويلسنا نتريق وعقب يلسنا انشوف التلفزيون نسولف في الازياء والموضه ولعبنا بالنونو لبسنانه هالنعال وصورته طننق وعقب ونحن ناكل فسفس وخبروني عن عمتهم سعوديه تستخدم مسواج اتفرك به اسنانها وشفايفها وبعدين شفيايفها تصبغ يعني نفس الروج والله حبيته ودي اجربه بس على شفايفي لوول قلت حق ماماتي ادور لي ول يوم بنسير السعوديه بدور لي من هناك اذا مالقيت هنيه...

المهم وعقب الظهر حسينا بنعااااااااااااااااااااس لا يقاااااااااااااااوم من اثر الفول طنننق فقلنا لا لا اذا رقدنا بيهاوشونا وبيقولون خربتو رقادكم خل انقاوم وقاومنا وايد تقريبا لين قريب العصر ماقدرنا وبما انه اختي الكبيره وعمتي وماماتي طالعين خل نرقد اشوي وانقوم رحنا رقدنا ساعتين وقمنا مصحصحيين الصارحه وعقب كلنا ويلسنا انسولف اشويه جان ايون وعمتي قالت يلاه نحن الحين بنرجع العين :( وسارو

مخرج},,

لا تستوي فالصداقه يا زين طاغوت خل صداقتنا ادوم باسمى المعاني